PoliticaFeatured

Prome Minister Evelyn Wever-Croes: Frontera cu venezuela no por habri

Frontera Aua Vzla

Gobierno di Aruba ainda ta den negosacion cu autoridadnan Venezolano 

Diahuebs 21 di juni, rumornan a cuminsa core na Aruba cu frontera lo wordo habri. Originalmente e informacion a sali for di medionan di comunicacion na Venezuela. Prome Minister Evelyn Wever-Croes ta enfatisa cu e noticia aki no ta corecto y ta informa cu Gobierno di Aruba ainda ta den negosacion cu autoridadnan Venezolano. 

Prome Minister a accentua cu e negosacionnan ta bayendo bon pero no facil pa habri frontera sin mas pasobra esaki ta rekeri hopi diplomacia di ambos pais y palabracionnan concreto di hopi medida di control mester wordo haci. 

Prome Minsiter ta pidi tur ciudadano di nos pais, especialmente ciudadanonan Venezolano cu a haci di nos pais nan hogar, pa keda trankil y no kere noticianan cu no ta sali for di Gobierno di Aruba. 

Gobierno di Aruba ta sigui cu e esfuersonan pa yega na un apertura di frontera na forma responsabel y controla, pero pa esaki mester di mas cooperacion di autoridadnan di Venezuela.

Related posts

Presentashon Plan Maestro Boneiru 2030 posponé te 6 di novèmber

EA News Author

Minister Arends ta reconoce piscadonan pa nan balentia y esfuersonan

EA News Author

Gregory Richardson: Abo ta difini bo futuro

EA News Author

Leave a Comment

Whatsapp Message