BonaireFeaturedInternacional

Rekonosementu na shete persona komo embahador di Boneiru i un pareha a keda honrá komo embahador honorario

Roger Joan Luksil 20 Years Bud Uren Heather Sellick 40 Yrs 10112023

Tourism Corporation Bonaire (TCB) a duna rekonosementu na nuebe bishitante komo embahador di Boneiru. Shete di nan a risibí e honor aki den kategoria di bròns, oro i platina, miéntras un pareha a keda honrá komo embahador honorario.

Jan Claus i Agnieszka Pacholska di Bélgika ta bishitando Boneiru pa 10 aña konsekutivo. Nan ta enkantá ku e ambiente i e hendenan amabel di Boneiru. Nan a keda honrá ku feneta di bròns.

Den kategoria di oro a duna rekonosementu na Joël Arrigio di Suisa i tambe na Roger i Joan Luksik i Dave Kanarish di Merka. Tur ta bishitando Boneiru pa 20 aña konsekutivo. 

Keith Dalton tambe di Merka a risibí honor pa 34 aña di bishita na Boneiru i a haña rekonosementu pa medio di un plakat di platina.

Bud Uren i Heather Sellick den pasado a keda honrá komo ‘platinum ambassador’, en bista ku na aña 2014 nan a selebrá 31 aña bishitando Boneiru. Dia 10 di novèmber último TCB a sorprendé nan en konekshon ku nan di 40 aña di bishita na Boneiru i a nombra nan komo embahador honorario di Boneiru. E pareha ta bishitá Boneiru dos bes pa aña i ta trese huntu ku nan un grupo di buseo. Entre nan tin algun miembro tambe ku a haña rekonosementu, esta Roger i Joan Luksik.

TCB ta felisitá tur e bishitantenan ku nan rekonosementu i Helen Mercera a gradisí nan pa nan eskoho pa bishitá Boneiru riba base anual.

Keith Dalton 34 Years 14112023 ScaledJoel Arrigio 20 Years 03112023 ScaledAgnieszka Pacholka Jan Claus 10 Years 03112023 ScaledDave Kanarish 20 Years 16112023 Scaled

Related posts

Post Aruba NV hunto cu nan abogado David Kock a duna informacion pa cu e caso internacional cu nan a lanta

EA News Author

Parlamentario Ricky Hoek: Durante pandemia companianan chikito y mediano a haya sosten financiero di gobierno

EA News Author

Lider di RED Ricardo Croes a bira e boter di lijm di gabinete Wever Croes

EA News Author

Leave a Comment

Whatsapp Message