Riba e diadumingo prome cu eleccion di april 1983 Mep ta tene su tradicional parada. E eleccion tabata net un paar di siman despues cu Betico Croes ta regresa Aruba for di e conferencia di Mesa Rondo cu a tuma lugar na Hulanda.
Den e conferencia aki a wordo dicidi cu Aruba ta haya su status aparte den reino Hulandes desde 1 di januari 1986 y cu na aña 1996 Aruba lo bira un pais independiente.
E parada di Mep tabata asina grandi cu tabata dificil pa polis controla esaki y nan ta duna e chauffeur Aiky Croes ordo pa subi riba e veld di Winston cu e jeep. Diripiente un van di polis ta pasa banda di e veld pa blokia e pasada di e jeep caminda Betico tabata aden y un agente policial ta baha for di e van di polis. Ya e polis aki tabata tin su arma reglamentario den man caba y Betico ta puntr’e kico tabata su intencion. Pero e polis aki ta contesta Betico Croes cu dos tiro cual uno tabata di advertencia y e otro a perfora Betico Croes su pancreas y su intestinonan.
Ruman di Betico Croes a declara cu ora cu Betico tabata tira riba vloer el’a puntra: ‘T’esaki ta mi danki?’
Mas informacion mi haya di e dia scur aki mas pregunta mi ta haya. Entre otro dicon niun periodista a durf pa bay Boneiro y purba entrevista e polis di fam L pa nos haya su banda di medaya? Door cu Betico Croes semper a para ariba cu e acto aki tabata un acto intencional. Mi tin cu agrega tambe cu nunca esaki a wordo comproba.
Full e parti di historia aki tambe ta den e buki ‘Chikito, simpel pero respeta’.
– Ultimo siman cu bo por pre- order bo buki pa solamente 50 florin.
– Despues e buki ta subi di prijs y no por bestel mas te ora cu e buki yega Aruba.
– Contact nos awe mes na 737 0411
– Mas cu 250 historia di Aruba den un solo buki pa prome biaha!
Busca pa sa di unda bo ta bin. Busca pa sa ken ta bo antepasadonan y bo lo ta mas orguyoso cu nunca di ken bo ta! #ARUBIANO #aruba #arubaonehappyisland #arubalife #arubalove #chikitosimpelperorespeta #muchicampo