Den e dianan tras di lomba Secretario di Estado di Asuntonan Interno y Relacion di Reino, Eddie van Marum a bishita Aruba, y esaki tabata e prome bishita di e secretario di estado desde cu el a tuma e cartera di Relacion di Reino di su antecesor. Un di e topiconan dicon a bishita e isla ta pa e tema di siguridad di cuminda. E sector primario manera nos ta mira minister Geoffrey Wever ta manehando. Sinembargo Hulanda cu su sinceridad y humildad kier mira Aruba desaroya den e parti agricultura y secretario di estado a pone prioridadnan riba e tema di siguridad di cuminda na Aruba y e otro islanan.
Pa esaki gabinete a pone un suma di EUR 24 miyon disponibel pa medio di un fondo continuo cu mester crea ainda. Sinembargo manera nos tur sa Santa Rosa ta e departamento cu a haci e trabou duro di hala e garoshi pa innova y intensiva y apoya agricultura cria y pesca na Aruba. Pa añanan largo Santa Rosa a keda maneha y inova y ta sosten den e parti aki pa Aruba tur su agricultornan, criadonan di bestia y piscadonan na Aruba. Tambe no ta desconoci cu a biaha y forma parti di diferente desaroyonan pa siña y haya mas conocemento den e materia y mira modelonan pa bin implementa na Aruba pa percura pa agricultornan na Aruba bay padilanti.
Sinembargo awe Santa Rosa a haya un cuchiu den su lomba di minister Geoffrey Wever unda cu a hala Santa Rosa un banda y e mandatario a crea su propio Agri Innovation Park y no a involucra Santa Rosa den dje pa haya fondo manera debe ser, pero na momento cu a puntra minister kico ta e rol di Santa Rosa den henter e proyecto, Santa Rosa no lo bay maneha e placa cu ta ricibi di Hulanda , pero segun Minister Wever Santa Rosa lo yuda cu e desaroyo di e Agri Innovation park hunto cu mi ministerio y two-Hulanda den e proceso di tur nan experencia pase pa Agri Innovation park siendo Santa Rosa ta bin ta haciendo e trabou aki pa añanan largo.
Esaki ta e politica nobo di destruccion a bin ta implementando. Agri innovation park lo wordo desaroya dor di Aruba Agriculture Development Company, un entidad estatal, pues tur shares ta den man di gobierno di Aruba, y Santa Rosa ? Agri innovation park lo wordo construi riba un parti di e tereno di Santa Rosa di mas o menos 75.000m2 cu Santa Rosa mes no lo maneha, un bon decisionn ? Agri innovation park ta park di greenhouses cu lo usa tecnologia, innovacion etc y ta dirigi na agricultura moderno y comercieel (commerciele landbouw). Esaki ta trabounan cu Santa Rosa ta consciente di dje y diferente biahenan cu a tuma luga na Merca, Hulanda y den Caribe riba e parti aki , pero awe Santa Rosa ta wordo hala un banda pa bay siña y yuda un departamento nobo di minister Geoffrey Wever siendo ta cu Santa Rosa tin tur e experticio.
Movecionnan politico cu pueblo di Aruba mester ta mas atento riba nan y mira e desaroyonan mas di cerca.
Un parke cu basicamente lo bay haci tur loke Santa Rosa ta haciendo caba pa añanan largo, pero nan no tin e fondo pa desaroya e proyecto. Awo cu Hulanda por duna e fondo Santa Rosa no lo ricibi esaki , pero un otro compania, Un modus operandi di minister Geoffrey Wever riba maneho di agricultura na Aruba cu ta un falta di respet pa Santa Rosa?.
Minister Geoffrey Wever ta sabi unda cu ta lanta un Agri Innovation Park di su mes cu su propio director y empleadonan. Kico esaki ta bisabo realmente? Agri Innovation Park ta keda construi cu ta e recompensa di pago pa ahusta compinchinan cu a campaña pa su persona y e abandono repentino di partido RAIZ?. E desaroyo aki Secretario di estado di Asuntonan Interno y Relacion di Reino ta na altura di dje y ta spera cu tuma nota di e movecion politico aki cu no ta na beneficio di Aruba,. Cu lo tuma accion, esaki lo mira den transcurso di decisionnan cu lo keda tuma na Hulanda.
Minister Geoffrey Wever kier kibra Santa Rosa y uza Santa Rosa pa crea su propio Agri Innovation Park ? Importante ta pa mira hopi di cerca kico ta loke Agri Innovation Park ta haci y cu Santa Rosa no ta haci cu no ta permiti pa Santa Rosa ricibi e placa for di Hulanda pa sigui innova y crece unda cu por podera y duna Santa Rosa su luga cu e tremendo trabounan cu e ta bin ta haciendo riba e tereno di agricultura, cria y pesca na Aruba. E acto aki ta un bofta y mal echo di minister Geoffrey Wever pa cu Santa Rosa.