Resientemente Tourism Corporation Bonaire (TCB) a rekonosé shete wéspet prosedente di Merka komo embahador di Boneiru den kategoria di bròns, plata i oro.
E wéspetnan ku a keda rekonosé ta John Dedeian ku ta bishitando Boneiru pa 12 aña konsekutivo kende a risibí feneta di bròns. Mike Smith i Peggy Mongrue i Carol Lucas ku ta bishitando Boneiru pa 16 aña. Nan a risibí feneta di plata. Christine Johnson for di Merka ku ta bishitando Boneiru pa 20 aña a risibí feneta di oro, meskos ku James i Deborah Mensay for di Merka kendenan a risibí feneta di oro pa nan di 25 aña bishitando Boneiru.
TCB ta gradisí tur e wéspetnan ku a keda rekonosé i a yama nan danki pa skohe Boneiru komo nan destinashon preferí pa pasa vakansi.
