Tourism Corporation Bonaire ta introdusí un ‘treintje’ di “It’s in our Nature” pa bishitante den kolaborashon ku Jack Tours

Tourism Corporation Bonaire (TCB) a haña un manera kreativo i yamativo pa mustra bunitesa di nos isla i pa pidi atenshon pa e wèpsait di Bonaire Island. TCB ta introdusí un trolley, den boka di pueblo konosí komo ‘treintje’, di ‘It’s in our Nature’  pa bishitante den kolaborashon ku Jack Tours.

E ‘treintje’ ta sirbi komo rekordatorio pa tur hende pa bishitá e wèpsait i deskubrí tur kos ku Boneiru tin pa ofresé. E ta rekordá asta e personanan ku ya kaba a bishitá e wèpsait, pa bini bèk i deskubrí mas di e tesoronan skondí di nos isla. Banda di esei e ‘treintje’ ku dibuho di ‘It’s in our nature’ ta un instrumento úniko i balioso di merkadeo ku ta engrandesé e forsa di atrakshon i balor di e tour. Esaki ta konektá perfektamente ku e metanan di TCB pa invertí den eksperensianan lokal i outéntiko.

Na fin di luna di aprel nan a finalisá e proseso di pintamentu di e ‘treintje’ i na kuminsamentu di luna di mei e ‘treintje’ di Jack Tours a debutá ku su branding nobo, ku ta pas serka e edifisio di TCB, e stènt di informashon na aeropuerto i e stèntnan di informashon na nos terminal krusero.

Nos ke gradisí Jack Tours pa su kolaborashon ku e proyekto akí, di manera ku e kayanan di Boneiru a bira mas bunita i mas informativo ainda.

Si bo mira e ‘treintje’ ta kore rònt riba nos isla, e ora ei saka un potrèt di dje i kompartí esaki ku nos riba medionan sosial. Danki pa bo sosten pa yuda nos mustra kon bunita Boneiru ta!