Featured Bonaire Internacional

Tourism Corporation Bonaire ta tira lus riba e esfuersonan di PR pa aña 2021


2021 a resultá den 382 ‘clip’ ku un alkanse total di 372.432.290 riba merkado norteamerikano

Tourism Corporation Bonaire (TCB) ta wak huntu ku Diamond PR bèk riba un 2021 eksitoso, kaminda Boneiru a haña hopi atenshon di medionan di komunikashon riba e merkado norteamerikano.

Komo resultado di ‘pitching’ (presentashonnan di benta) di Diamond PR por a mira Boneiru den

The New York Times, LATimes.com, ThePointsGuy.com, Parade.com, MSN.com i Brides.com, djis pa menshoná algun.

Ora ku una bes a fleksibilisá e eksigensianan di atmishon a plania diferente bishita tantu den grupo komo individualmente na medionan di komunikashon relashoná ku publikashonnan prominente, loke a resultá den reportahenan den Cosmopolitan Magazine, New York Post, Upscale Magazine, Venice Magazine, New Jersey Hills Media (14 korant regional) CNTraveler.com, Fodors. com, Travel + Leisure (sosial), Matadornetwork.com i mas.

Komo klousura di nos aña e tim a investigá e posibilidatnan pa duna mas publisidat na nos isla Boneiru, manera koperashon ku ‘LIVE! With Kelly & Ryan’ en ‘Spartan/Tough Mudder’ pa un akshon di regalá, loke a resultá den 10.300 partisipante na e konkurso i 26.000 bishitante pa e ‘getaway website’ i un entrevista via podcast ku Miles Mercera riba TravelPulse’ Brian Major i Sarah Greaves-Gabbadon’s Complete Caribbean Podcast. A krea tambe un inisiativa pa yama bon biní na bishitantenan i pa duna algu bèk na komunidat ku e kampaña di ‘Bonaire Misses You’ (Boneiru ta sinti bo falta), ku a resultá den reportahenan riba CaribJournal.com, Islands.com, MillenniumMagazine.com i mas.

Miles Mercera, direktor di TCB: ‘Nos ta satisfecho ku e resultadonan ku nos a logra i nos ta wak dilanti na loke tin ku bini ainda. Nos esfuersonan di PR – Relashonnan Públiko ta hunga un ròl

den nos strategia general di posishonamentu. Un palabra spesial di danki na nos partnernan na nos isla, manera hotèlnan, restorantnan, carrentalnan i diferente otro aktividatnan pa nan sosten kontinuo pa por realisá e resultadonan akí.’

Related posts

SETAR patrocinador di e programa “Discover Your Potential”

EA News Author

Otmar Oduber na Corte: Inversion den Bochincha a bini di Aruba Bank y no ta compronde pakico no ta habri cuenta pa nan

EA News Author

Tin 7 kaso di covid19 a bini aserka na Boneiro

EA News Author

Leave a Comment