Universidadnan di Aruba, Curaçao y Sint Maarten a anuncia un iniciativa conhunto pa promove emprendimeto empresarial y stimula innovacion dentro di e contekstonan social, ambiental y economico unico di nan cumunidad.
E cooperacion ta wordo sostene pa un subsidio di €150.000 for di e Representacion di Hulanda na Aruba, Corsou y Sint Maarten. Representante Hulandes Gerbert Kunst: “Durante mi servicio como Consul General na San Francisco (2016-2020), mi ta desea di sigui cu e miho prakticanan di Silicon Valley. Ta grandioso cu tur e tres universidad nan den e parti Caribense di Reino ta habri pa e intensificasion di enseñansa di emprendemento pa stimula e siguiente generacion di exsito di startup Caribense.”
Central den e cooperacion aki ta e ‘Kingdom Startup Program’, cu Hubs na Aruba, Corsou y Sint Maarten cu lo sirbi como piedra principal pa ecosisteman di inovacion duradero den e parti Caribense di Reino Hulandes.
Pa medio di e programa aki, studiantenan, fundadonan academico ambicioso y cambionan emergente ta ricibi entrenamento praktico den metodologianan di empresario y innovacion contemporaneo. Participantenan ta traha estrechamente cu gobiernonan, partnernan priva y organisacion di sociedad civil pa co-crea solucionnan praktico pa retonan social y economico urgente.
Proyecto Piloto Conhunto na Aruba
E implementacion piloto di e Programa lo tuma luga na Aruba, den zomer di 2026, cu participacion adicional di delegacionnan di studiante di Corou y Sint Maarten. E pilot aki ta pone e fundeshi pa un integracion duradero di enseñansa di emprendemento, intercambio di conosemento y desaroyo di capasidad di inovacion entre e tres islanan. Un final Demo Day ta plania na tur tres Hub durante e vacacion di zomer di 2026, caminda teamnan di Aruba, Corsou y Sint Maarten lo presenta resultadonan y comparti experencia.
E programa ta ensera pa reforsa e resiliencia economico di e islanan, pa construi capacidad local y pa fortalece sectornan di innovacion, mientras cu e ta profundisa cooperacion den Reino Hulandes.
* “Nos ta entusiasma pa cuminsa desaroya un curiculo multidiciplinario pa emprendemento, un curiculo cu ta stimula interes di studiantenan den creacion y innovacion, ancra den e conteksto local di Aruba. Cu e iniciativa aki nos kier contribui na e ecosistema di emprendemento di Aruba y crea un plataforma caminda studiantenan por explora, experimenta y trece ideanan na bida, tanto paden como pafo di klas”. – Sue-Ann Lee, Rector di Universidad di Aruba.
* “Ora nos kier brasa e asina yama ‘Orange Economy’, o sea e industrianan creativo, Universidad di St. Martin cu di pensamente cu door di colabora cu nos partnernan den Reino nos por construi un ecosistema sostenibel pa nos empresarionan local. Ta bira evidente cu e universidadnan ta na centro di tur proyecto cu ta sostene innovacion y desaroyo social-economico riba nos islanan”. – Antonio Carmona Báez, Presidente di Universidad di St. Martin y Profesor di Relacionnan Internacional y Desaroyo.
* “Nos lo uza e subsidio aki pa stimula studiantenan pa explora iniciativanan den e tereno di desaroyo sostenibel y tecnologia y pa descubri nan talento empresarial”. – Stella van Rijn, Rector Magnificus di Universidad di Curaçao.
* “E cooperacion aki ta trata di forma un futuro comparti”, Michael Dooijes, fundador di StartAruba y lider strategico di Kingdom Startup Program (KSP) a bisa. “ Door di uni e tres universidadnan aki, empresarionan (aspirante) y e ecosisteman conecta, nos ta haci e parti Caribense di Reino un plataforma di lansamento pa innovacion cu raiz local pero conecta mundialmente.”
Siguiente Pasonan
E universidadnan y nan partnernan lo finalisa e structura di programa na cuminsamento di 2026, despues di cua recrutamento di studiante y mentornan lo cuminsa den zomer. Un evento di lansamento publico y campaña visual lo sigui pa destaca e universidadnan participante, partnernan y oportunidadnan di colaboracion.
Keda pendiente – mas detaye tocante e edicion di zomer 2026, oportunidadnan di colaboracion, y e prome cohortanan di studiante lo wordo anucia pronto. Temponan emocionante ta warda nos dilanti pa e siguiente generacion di innovador den e parti Caribense di Reino.
Pa mas informashon: michael@futurestreet.nl
Press release: Departamento di Cumunicacion, SSO CN
Rijksdienst Caribisch Nederland
