Cu vuelo di KLM e vacunanan a Sali for di Hulanda for di oranan di mainta y a yega Aruba na e momentonan aki. Minister di Salud Publico y Prome Minister di Aruba a presenta na Aeropuerto pa asina mira cu tur cos ta cana bon pa transportacion di e vacunanan cu a caba di yega Aruba.
Ya caba e team special a prepara y ta cla pa cuminsa cu e prikmento di e vacuna na esnan esencial prome y despues ta sigui cu e otro gruponan cu no ta hopi vunerabel.
Secretario di Estado Paul Blokhuis hunto cu presidente y director di KLM Pieter Elbers tabata na aeropuerto di Schiphol na momento cu a subi e vacunanan abordo di KLM. Y por bisa cu e vacunanan ta na Aruba awo pa keda transporta pa Hospital di Aruba unda cu ya caba tin e luga adecua pa nan por keda den dje y na e temperatura nesesario pa e vacunanan keda bon.
e vacunanan ta empaketa den “dry ice”, cu ta permitie keda na bon temperatura pa varios dia basta nan keda den un ambiente di +2 te cu +25 grado Celsius cu hospital ta percura pa nan.
Di e manera aki tambe pronto Aruba su cifranan pa combari e virus di COVID -19 ta cuminsa y Aruba por cuminsa cu nan proseso normal di bida unda cu cada persona mester cuida nan mes.
