Dr. Horacio E. Oduber Hospital a organisa su di dos seminario cu informacion esencial di Covid-19, pero e biaha aki den forma di un webinar. Den forma virtual a conecta cu dunadonan di cuido di diferente profesion local y internacional. Durante e anochi aki a brinda e ultimo informacion di covid-19 y e retonan cu ta encontra local y internacionalmente. Un panel sumamente diverso cu tabata forma pa expertonan di Hospital di Aruba, LabHOH, DVG y UMC Utrecht.
Sr. Jacco Vroegop, presidente di Hunta directiva di Hospital a habri e webinar aki na unda a gradici sigur tur persona cu durante e aña aki a traha incansablemente pa, apesar di tur reto, sigui brinda cuido di calidad. E motibo prinicipal tras di e organisacion di e webinar aki ta pa comparti informacion di covid-19 cual na maart ainda no tabata sa mesun hopi cu awo nos sa Aruba y mundialmente.
Un team fantastico cu a duna un presentacion diverso y di nivel halto.
E expertonan cu a participa tabata Marije Hofstra, arts-microbioloog/ viroloog di UMC Utrecht cu a enfoca riba e parti di diagnostico di covid-19. Tambe un di expertonan invita tabata Daisy Ooms cu ta Arts Maatschappij & Gezondheid, infectiebestrijding na DVG cual a splica tocante covid-19 y biahamento. Anesthesist- intensivist na HOH, Martine Utterbeeck a papia tocante e cuido clinico cu pashentnan cu covid-19 ta rekeri. Bert Rodenburg cu ta internist- infectioloog na Hospital a papia tocante e succesnan scientifico y tambe loke no a traha. Y por ultimo Shailing Jacobs, hospitalist na HOH y Jaclyn de Kort, internist- infectioloog na HOH a duna informacion a base di un investigacion hasi tocante e retonan cu dunadonan di cuido na HOH a encontra durante e pandemia.
Despues di e presentacionnan a forma un panel na unda tambe longarts na HOH, Caroline Becker y Andert Rosingh di LabHOH a join e team di presentadonan pa asina contesta preguntanan cu e participante nan tabatin. Sumamente interesante tambe e temanan cu a toca tocante por ehempel vacunacion.
Un anochi sumamente exitoso organisa pa team di Hospital hunto cu Elite Productions. Danki na tur cu a hasi esaki posibel. Comparti informacion ta keda esencial pa hunto nos sigui combati covid-19.
