Na Boneiro a yama bon bini un biaha mas na vuelonan directo di American Airlines y Delta Airlines for di Miami y Atlanta despues di 15 luna sin operacion debi na e pandemia.
Ta anticipa 250 pasahero riba e prome vuelonan den fin di siman ultimo. Pa e ocasion special aki, Tourism Corporation Bonaire (TCB) den colaboracion cu varios partner local a preparando pa duna nos bishitante nan Mericano un caluroso bon bini na nos dushi Boneiro.
Na yegada di e vuelonan, nos bomberonan lo saluda cu un “water salud”, tambe lo tin entretenimento cultural y regalo cu lo keda otorga na nos bishitante nan.
Airopuerto mes a prepara un dia bunita pe e prome pasaheronan di merca despues di 15 luna debi di e pandemia.
TCB ta ansioso cu e regreso di e vuelonan directo for di Merca pa Boneiro. TCB lo sigui enfoca riba iniciativanan di mercado pa futuro, pa sigui promove Boneiro riba mapa internacional pa recupera nos sector turistico.
1 comment