Dia di tata a pasa tras di lomba pero no tabata un dia mes grandi celebra cu dia di mama. Mescos cu tin hende muhe bon y malo tin tata bon y malo tambe. Banda di tur esaki importante ta pa defini esaki y crea espacio, sinembargo loke ta un realidad hende homber ta hopi mas dificil pa expresa amor, pero si nan ta haci esaki na un manera diferente y no ta tur ora esey ta bisto den comunidad.
Na e mes un momento aunke cu no ta mira esaki no ta significa cu e hende homber no tin sentimento pa expresa of cu nan no ta expresa. Segun parlamentario Misha Raymond Aruba tin un cultura cu e hende homber no ta expresa su sentimentonan facil unda cu nan ta trece nan emocionnan y of ta bisa nan yiunan of nan pareha cu nan ta stima nan y of ta aprecia nan y of cu nan ta orguyoso di nan.
Pero na mes momento si e tata nan ta expresa e sentimentonan aki cu otro hende, pero e persona mes cu mester haya sa di esaki e no ta scuche di nan tata of e hende homber cu nan ta desea di scuche. Manera nan ta bisa tur ora manera tin hende malo y hende bon, pero na e mes un momento por tuma nota cu generacionnan nobo ta cambiando y ta un poco mas expresivo den e parti aki.
Parlamentario Misha Raymond ta kere cu ta hopi importante pa tanto e mama y e tata ta forma parti di e bida di e mucha. Hopi mama ta bringa esaki, pero tata nan mester por haya e espacio pa nan tin e derecho pa forma parti den desaroyo di e muchanan. E mama su tarea ta pa e guia ta mas consiente di peliger y e tata su tarea ta pa e yiu tuma mas risico pa nan logra nan metanan.
Click aki bao like y share 