Na centro di husticia Macuarima a tuma luga un mainta special pa diferente polisnan cu a traha mas cu 40 aña den cuerpo policial. A pone un muraya special pa Ministernan di husticia, Korpschefnan den pasado, polisnan cu a traha mas di 40 aña pa KPA y tambe polisnan cu a fayece na pia di trabou. Alto mando Ramon Arnhem a tuma e decision di pone e gang central na centro di Husticia Macuarima yena cu potter unda cu kende cu bishita por mira y recorda nan ex coleganan.
Minister di husticia tambe a wordo invita pa e celebracion na centro di husticia Macuarima unda cu a honra un cantidad grandi di polisnan cu a traha mas di 40 aña na KPA. Minister di Husticia actual Arthur Dowers a comenta riba e bunita gesto aki, pero ta kere cu a lubida riba un parti importante di polisnan cu a planta respet y duns respet den comunidad durante nan trabou riba caya.
Nos por a combersa cu un di e polisnan cu a cuminsa su carera for di aña 1980 y a baha cu pension caba. Na momento cu a cuminsa cu su carera nunca no a pensa cu lo a yega asina leu , pero e ta hopi agradecido cu e gesto di a honra nan como polis cu a dedica na KPA, ta trata aki di Honore Eights cu tin 44 aña den servicio di cuerpo policial .
Trudy Hassel no ta un persona desconoci den comunidad un sra balente y cu hopi energia pa a hiba su cuerpo padilanti. Awe e la baha cu pension pero semper cuerpo policial lo keda den su curason. Riba e mainta aki e tabata hopi emociona y hopi recuerdonan a bin ariba na e momento special aki. Sra Trudy Hassel ta conta un poco mas di e sentimento cu e la biba awe mainta di por a devela un di e murayanan.
