E nucleo di e argumento ta basa riba e hecho cu e Status Aparte di Aruba, miho conoci como e Statuut, ta un condicion unico y exclusivo cu e isla a adkiri. Ta un “falta di respet” cu e Secretario di Estado Hulandes ta pretende cu e Status Aparte di Aruba “no ta existi mas” simplemente pasobra Corsou y Sint Maarten tambe a adkiri un status asina.
Banda di esaki e gobierno di Aruba di AVP-Futuro no ta para firme pa Aruba y defende e status di Aruba , dicon? Dicon tin un silencio hermetico aceptando pa Staatsectretaris burla di Pais Aruba di e manera aki ?.
E declaracion aki ta enfatisa cu e mentalidad Hulandes, specialmente den e ambito ambetareliar y politico na Den Haag (The Hague), tin e idea eroneo cu tur tres isla awor ta den un posicion igual den Reino.
Comparacion: Status Aparte vs. Slotverklaring
Pa compronde e diferencia constitucional y structural, por wak e siguiente comparacion:
“E Status Aparte pa e comunidad di Aruba ta unico. Loke Corsou y Sint Maarten a haya ta un slotverklaring condiciona un status aparte ‘minus’.”
E Alerta di Algemene Rekenkamer di Hulanda
Un di e puntonan mas fuerte di e argumento ta e referencia na e propio Rekenkamer di Hulanda.
A conclui cu:
• E limitacionnan y condicionnan imponi riba Corsou y Sint Maarten a evita y stroba cu e paisnan aki por a crece economicamente.
• E “Slotbepalingen” (clausulanan final) a bira un frena pa e desaroyo di e islanan ey, algo cu Aruba a logra evita danki na su status autonomo structural. Sinembargo awe Minister Gerlien Croes , Geoffrey Wever y fraccion di AVP y FUTURO na varios ocacion a expresa cu e HOFA ta bon pa Aruba, realmente nan stima nan propio pais ?
E Mensahe Cla pa Den Haag
Na e intencion di asimilacion of igualacion structural di e islanan door di Hulanda.
Aruba no por y no ta igual na e otronan den e contexto aki, pasobra su definicion, su Statuut y su historia constitucional ta totalmente diferente. E mensahe manda pa e Secretario di Estado van de Burgh ta categorico:
• Si Hulanda kier pa tur e paisnan structuralmente ta “igual” den Reino, e solucion no ta pa desvalora of minimalisa e status di Aruba.
• E caminda corecto ta pa duna Corsou y Sint Maarten e mesun Status Aparte berdadero y pleno cu Aruba tin.
• Si nos ta papia di yuda otro y halsa otro , nos mester por hacie berdaderamente y no trapa riba e islanan derecho manera ta haya ta bon
Te dia di awe Gobierno di AVP-FUTURO no ta duna cara