E topico di Rijkswet ta hopi importante pa Pais Aruba, un topico cu pueblo di Aruba ta hopi interesa den dje di loke ta bay pasa y kico ta e decisionnan cu mester tuma pa Pais Aruba, sinembargo e tres cabes nan di gobierno AVP-FUTURO no kier pa pueblo sa kico y con e negociacionnan aki ta andando y pa e ta un discusion nacional.
Lider di fraccion PPA un dia prome a entrega un carta pa haci e peticion pa tin e reunion di Rijkswet porta habri debi cu minister Geoffrey Wever-Gerlien Croes y Mike Eman a tuma e decision di haci e negociacionnan aki porta cera pa ningun hende sa kico ta e decisionnan cu ta tumando y ta hincando Aruba den dje.
Diabierna ultimo a trata e discusion aki di e reunion di Rijkswet cu na prome instante tabata un reunion habri pero despues a resulta cu ta haci e reunion den porta cera pero a haci peticion pa haci e reunion porta habri nacional pa Aruba ta na altura di e negociacionnan cu ta tumando luga di nan futuro.
Tur e negociacionnan di Rijkswet den e ultimo 10 añanan ta reunionnan cu porta habri y Aruba tabata na altura di e decisionnan cu Aruba ta tuma cu Hulanda, pero awe gobierno AVP -FUTURO a opta y haci un peticion na presidente di parlamento pa haci e reunion di Rijkswet den porta cera den un bijeenkomst unda cu hopi informacion a bin padilanti.
Segun lider di fraccion PPA e reunion tabata un reunion di un calidad hopi halto y loke cu gobierno a haci awe ta laga e team negociado na nivel di ambtenaar cu te na e momentonan aki a negosha cu Hulanda na e nivel ey y duna un exposicion pa loke ta trata e trabounan cu nan a haci na e nivel tecnico y abase di esey por a haci bastante pregunta.
Pa fraccion di PPA e trabou ta di elogia di e team negociado, pero sinembargo bo ta sinti esaki ta loke parlamento y fraccion di PPA a sinti y a pone hopi accento riba dje cu tanten cu no tin e concepto, paso ainda parlamento no por haya un concepto den nan man, pero solamente ta presenta ideanan , loke nan ta negoshando, pero kico ta e pensamento e liña grandi y cu ta diacuerdo cu e liña grandi, pero manera e la ser bisa den parlamento tambe “THE DEVIL IS IN THE DETAILS “ e maldad ta den e detaye y esaki ta loke ta preocupa tur hende den parlamento.
E otro fraccionnan cu prome tabata hopi PRO Rijkswet mane cu e ta y kier firma , awe a sinti un cambio cu e otro parlamentarionan den oposicion den parlamento awo ta riba e mes un liña y tin e preocupacion aki tambe na pecho. Lider di fraccion di PPA ta indica cu ta mira cu awo poco poco ta realisando kico realmente Hulanda kier cu Aruba.
Segun Lider di fraccion di PPA na final nos mester ta sigur y no dies confia Hulanda riba loke ta e detayenan pa loke ta trata e ehecucionnan nos sa bon unda nan ta para. Tur esaki nan ainda no a bin dilanti y tin hopi detaye ainda cu mester bin den un concepto pa parlamento di Aruba haya ainda.
Parlamento mester haya detayenan di e concepto, check list, kico ta e condicionnan na momento cu kier Sali di e Rijkswet , tur esaki nan ta detayenan cu ainda no a bin dilanti ainda segun lider di fraccion di PPA Otmar Oduber.
Sinembargo te ainda no por a discuti den e esencia cu ta e parti politico, pero ta sinti particularmente for di prome minister Mike Eman por a compronde di loke e la trece padilanti cu e lucha cu Aruba a hiba pa e autonomia cu Aruba tin awe y ta gosa di dje awe di ta BAAS den su mes un cas prome minister Mike Eman ta consciente den e parti aki, pero na mes momento tambe ta sinti cu hopi facil ta bay den un direccion unda cu ta haya un investeringsfonds of con por logra for di Hulanda pa haya un miho deal cu ta posibel pero ainda parlamento no sa ten koste di kico.
E punto aki pa parlamento cu tin cu haci e parti ehecutivo pa busca e manera miho pa haya prestamo esey ta nan trabou y esey ta e rol di gobierno, pero e rol di parlamento ta contrario na esaki. Lider di fraccion di PPA Otmar Oduber ta indica cu e rol di parlamento ta pa nos por vigila, controla y percura pa nos cuida loke ta e autonomia di Pais Aruba y e derechonan naturalmente cu e constitucion a pone pa nos den e estado completo Hulandes cu nos ta biba den dje.
Lider di fraccion di PPA a indica cu e la vocifera en parlamento na prome minister Mike Eman cu den tur lucha cu Aruba tabatin semper tabata e union y e comunidad ta loke cu e logra tanto na añanan 40-50 ora cu abuelo di prome minister Mike Eman a bisa cu nos mester bringa pa ta BAAS den nos propio cas y na unda cu prome minister Mike Eman su mes un welo ta cuminsa cu e lucha y ora a logra haya e cantidad di firmanan cu mester pa e lucha di status aparte y na momento cu Betico Croes a hiba e lucha pa por a finalisa esaki y despues ruman di prome minister Mike Eman , defunto Henny Eman hunto cu Nel Oduber a yega na otro y a wak cu cada biaha tin diferente constelacionnan politico a logra cosnan grandi na momento cu nan tin e backup di e pueblo.
Sinembargo awe den e proceso y den e liña cu tin delinea cu gobierno di AVP –FUTURO a trece dilanti no a mira gremio, comunidad y tampoco no a mira cu ta bay combersa cu sindicatonan, cu gremionan comercial cu no sa nada.
Mirando e movecionnan aki lider di fraccion di PPA ta indica cu despues di e reunion a Sali cu un poco preocupacion pa motibo cu ta sinti cu gremionan mester ta na altura pa por crea e frente nacional cu nos a papia di dje debi cu e decisionnan cu ta bay wordo tuma den e Rijkswet aki tin consecuencia pa pueblo y pa comerciante. Na momento cu mester mantene nos mes na normanan kico cu e por significa e ora bo mester percura pa e pueblo ta para bo tras y den e negociacionnan cu ta bay tin tambe pa bo ta prepara pa bo tin un frente nacional.
Lider di fraccion di PPA Otmar Oduber a pidi prome minister Mike Eman pa evalua e parti aki y wak con por hinca e parti aki den e negociacionnan y den e plan nan cu tin na e momentonan aki unda cu por cuminsa un ronda pa cuminsa combersa cu e gremionan y ta habri y transparente cu pueblo di Aruba pa asina pueblo tambe por duna e sosten cu ta na e pueblo y gremio su bienestar aki na Aruba.
