Den man di gobierno di AVP –FUTURO Aruba ta pasa berguensa, prome cu a cera gobierno a dura largo , basta rancamento di siboyo pa posicion y poder, despues di 10 luna ta formalisa e carteranan abasa di e ley di LIM cu Raad van Advies a desconseha y awe ainda Aruba no tin un minister plenipotenciario na Hulanda pa por representa Aruba, esaki ta un berguensa pa Aruba.
Gobierno di AVP –FUTURO ta un berguensa nacional ,pero tambe internacional unda cu pa historia politico di Aruba awe ainda Aruba no tin un representante digno na Aruba. Segun parlamentario Dangui Oduber desde aña 1986 nunca esaki no a sosode, kisas ya caba gobierno di AVP –FUTURO ta trahando e modelo bou di Rijkswet HOFA sin aprobacion di pueblo di Aruba ? Parlamentario Dangui Oduber ta haya cu ta un berguensa den historia politico di Aruba cu partido FUTURO di dos cabes ta causando tanto danjo na partido AVP y pueblo di Aruba.
Banda cu minister Gerlien Croes ta un gañado, ta coy su rabia personal y perhudica un ciudadano di Aruba pa por wordo nombra como minister plenipotenciario na Hulanda. Minister Gerlien Croes a ganja cu pa motibo di placa no lo apunta un minister plenipotenciario , paso e lo costa Aruba hopi placa , esaki tabata un mentira y un bofta den cara di parlamento di Aruba pero principalmente na e pueblo di Aruba. Kisas minister Gerlien Croes kier poder pa e trapa riba ciudadano nan na Aruba?