Recientemente, Drs. Gracita R. Arrindell, Minister Plenipotenciario, a asisti na un recepcion organisa pa e Gabinete di Aruba na Den Haag. E evento aki tabata en honor di e introduccion di e nobo Minister Plenipotenciario nombra pa Aruba, Mildred G.M. Schwengle.
E enkuentro aki a marca tambe dos milestone hopi importante pa Aruba:
40 aña di Status Aparte.
E di 50 aniversario di e bandera y himno di Aruba.
Prome Minister Mike Eman di Aruba tambe tabata presente, hunto cu representantenan di henter Reino, socionan diplomatico y invitadonan special. E recepcion a brinda un excelente oportunidad pa reflehá riba e logronan constitucional y cultural di Aruba.
Minister Arrindell a felicita Minister Schwengle cu su nombracion:
“Mi ta desea Su Excelencia, Minister Schwengle, hopi exito den e cumplimento di su rol nobo. Cu su periodo por ta marca pa sabiduria, un cooperacion fructifero y logronan continuo cu tin nificacion den servicio di Aruba y su pueblo.”