Recientemente, Drs. Gracita R. Arrindell, Minister Plenipotenciario, a asisti na e seremonia di revelacion di e sculptura Human Tribe Totem di e renombra artista Uruguayo Roberto Vivo riba tereno di Corte Penal Internacional (ICC) na Den Haag.
E sculptura, un donacion di Uruguay pa Corte Penal Internacional, a wordo revela oficialmente durante un seremonia organisa pa Embajada di Uruguay pa Reino di Hulanda y e Representacion Permanente pa e Organisacion Internacional na Den Haag.
E evento a reuni representantenan diplomatico, miembronan di e comunidad internacional y huespednan distinguí, incluyendo representantenan di ICC.
Originalmente crea pa e Centro Cultural Europeo y presenta pa prome biaha durante e Bienal di Venezia na 2024, Human Tribe Totem a wordo selecta desde e tempo ey tambe pa e Bienal di Arquitectura na Venezia na 2025.
E obra di arte awor tin un cas institucional permanente riba tereno di ICC, caminda e ta para como un reflexion simbolico riba humanidad, unidad y responsabilidad comparti.