Minister di Turismo, Asuntonan Economico, Trafico y Telecomunicacion (TEATT), Grisha Heyliger-Maarten, a duna un caluroso felicitacion awe na sra. Iris Arrindell pa su nombracion como Directora Interino di NV GEBE, describiendo e nombracion aki como “un paso importante pa restaura stabilidad, transparencia y confiansa publico den GEBE.”
“Mi ta desea sra. Arrindell hopi forsa y exito den e tomo di e responsabilidad crucial aki,” e Minister a declara. “Su nombracion ta un rosea di aire fresco y ta bini na un momento clave. Mi ta spera un cooperacion constructivo structural pa asina nos por trece claridad, rendimento di cuenta y alivio pa e pueblo di St. Maarten.”
Minister Heyliger-Marten a reitera tambe su posicion publico anterior tocante e aumento recien di e clausula di combustibel (fuel clause), cual el a condena caba anteriormente como inhustifica y sin sostene pa datonan transparente.
“Mi posicion no a cambia,” el a enfatisa. “Cualkier ahuste na e clausula di combustibel mester ta basa riba informacion verifica y proceduranan legal. Ta pesey mi a inicia e Mecanismo di Supervisor bou di e Ordenansa di Concesion di Electricidad, pa percura cu, pa prome biaha, Gobierno ta haya transparencia total den e calculacionnan di GEBE.”
E Minister a confirma cu BTP, den su rol como Supervisor, ya a sostene reunionnan cu GEBE y cu e compania awor ta suministrando informacion cu nunca antes a wordo entrega den cumplimento total cu e Concesion.
“Pa prome biaha den nos historia, Gobierno lo bay ricibi e datonan necesario pa verifica e clausula di combustibel di forma independiente,” el a bisa. “Esaki ta e resultado directo di e acshonnan formal di supervision cu nos a tuma uzo di e hermentnan legal cu Gobierno tin disponibel.”
Ora a puntre over di e salida recien di e ex-Director Interino Thomas Roggendorf, e Minister a responde: “Mi enfoke semper tabata riba cumplimento cu ley y proteccion di e pueblo. E mecanismo di Supervisor a manda un mensahe cla cu e dianan di opera sin transparencia total a pasa. E pais merece rendimento di cuenta, y mi lo sigui uza cada instrumento legal disponibel pa garantisa esaki; no tabata un sorpresa cu el a entrega su renuncia.”
E Minister a papia tambe riba e interes publico creciente den e operacionnan di GEBE, incluyendo e actividadnan recien di e Asociacion pa Proteccion di Consumidor. “Enbolbimento publico ta algo sano pa nos democracia,” el a nota. “Mi ta duna bon bini na cada bos cu ta boga pa husticia y transparencia na un manera respetuoso. Na mes momento, ta Gobierno ta esun cu tin e responsabilidad legal pa actua, y nos ta actuando.” Maprimint di e aña aki, despues cu e Hunta di Supervision nobo a wordo instala, Minister Heyliger-Marten a cuminsa e proceso di cumplimento di concesion.
E Minister a nota cu, mirando historia, e nivelnan di e clausula di combustibel tabata similar na aña 2022, lagando asina structuralmente sin haci ningun reforma e tempo ey. “E publico merece mas cu simplemente un alivio temporal,” el a bisa. “Nan merece un sistema cu ta transparente, predecibel y husto. Ta pesey e Gobierno aki ta tumando un enfoke fundamentalmente diferente, uno cu ta atende e causanan principal y no e symptomanan so.”
El a reitera cu energia renovabel ta e caminda sostenibel pa hiba na afordabilidad a largo plaso. “Nos no por sigui dependé solamente riba combustibel fosil,” el a declara. “Energia renovabel no ta opcional, e ta esencial pa nos futuro economico y pa baha e costo di bida.”
El a agrega cu Gobierno lo evalua e futuro di e concesion di GEBE. “Si mester reboga of reinscribi e concesion pa garantisa cu St. Maarten finalmente ta realisa su transicion energetico, e ora ey esei ta e direccion cu nos lo tuma,” e Minister a declara. “E pueblo di St. Maarten no merece nada menos.”
E Minister a señala cu e concesion actual ya caba ta contene obligacionnan cla y legalmente obligatorio riba energia renovabel cu nunca a wordo balisá. Articulo 14 di e concesion ta exigi explicitamente cu GEBE mester “strea pa un aumento anual den e uzo di energia sostenibel” y pa percura cu por lo menos 2% di tur electricidad entrega na consumidornan pa aña 2015 lo mester a bini for di fuentenan renovabel. Tambe e ta exigi GEBE pa incorpora desaroyo di energia renovabel den su plannan plurianual obligatorio di cinco aña.
“E obligacionnan aki ta den e concesion desde aña 2010,” e Minister a enfatisa. “Apesar di esey, ningun gobierno a yega de exigi GEBE pa rindi cuenta riba nan. Ningun plan plurianual manera describi den e concesion a wordo aproba, ningun meta di energia renovabel a wordo implementa, y ningun supervision structural a wordo aplica. Ta asina nos a caba caminda nos ta awe, sin transparencia y cu un clausula di combustibel cu ta mantene nos pueblo vulnerabel pa e prijsnan mundial di petroleo.”
El a continua: “E era ey a caba. Como Minister, mi lo no permiti pa e obligacionnan aki wordo ignora mas. E concesion ta haci energia renovabel un deber legal, no un aspiracion opcional, y GEBE ta obliga di cumpli cu ne. Si GEBE no por cumpli cu e obligacionnan aki, e ora ey e concesion lo wordo reinscribi, pasobra di un manera of otro, St. Maarten mester realisa nos transicion energetico.”
Pa conclui, e Minister a declara: “Na e pueblo di St. Maarten, mi ta scucha boso, mi ta para boso tras, y mi ta uzando tur herment legal disponibel pa proteha nos interesnan. Esaki ta e inicio di un capitulo nobo pa GEBE, uno construi riba transparencia, cumplimento y un caminda cla hacia energia renovabel y costonan di coriente mas bajo.”