Un ekipo informativo di EA News a traslada te na e sitio di desaster na Venezuela, caminda un temblor catastrofico a laga un panorama di tristesa, dolor y luto profundo. Nos a drenta net na e momento caminda e ekiponan di rescate, den un esfuerso sobrehumano, a logra saca e curpanan sin bida di tres miembro di un famia: e mama, e tata y nan yiu muher chikito di apenas 6 aña di edad.
E tragedia aki ta bira mas doloroso ainda ora a bira conoci cu e yiu chikito y su tata a duna nan ultimo señalnan di bida mainta trempan, asina pa 7:00 am di 27 di juni. Apesar di e intentonan pa purba salba nan, e colapsa a resulta fatal prome cu e rescatistanan por a yega na nan.
E specialistanan, mediconan y personanan di prome auxilio tin un labor incansabel ta traha sin para desde diaranson 24 di juni, enfrentando peliger y escasez di tempo pa purba localisa sobrevivientenan bao di e concreto.
Heroenan na e sitio di desaster
Den medio di e dolor, comunidad ta reconoce e curashi di e ekipo di rescate y personal medico cu a deha tur cos atras pa drenta e zona di desaster na Residencias La Mar, situa den e Municipio José Laurencio Silva na Tucacas. Entre e heroenan aki cu a traha ininterumpidamente tin:
- Lickhyman Zapata (Ekipo di Rescate)
- Barbara Sanchez (Enfermera)
- Grecia Zapata (Medico)
- Luisa Camelo (Medico)
- Domingo Mendoza (Rescatista)
- Liber Zapata (Funcionario)
E situacion na Tucacas ta uno di hopi tension, y e ekiponan medico y di rescate ta sigui evalua e ruinanan di Residencias La Mar. Banda di e situacion Tucacas tambe tin movecionnan den e otro estado nan.
E desaster di e dopel temblor (terremoto doble) aki na Venezuela, cu a sosode recientemente dia 24 di juni 2026, a afecta seriamente e region norte y noroesta di e pais.
E estadonan y zonanan mas afecta unda a declara bini di e desaster aki ta:
La Guaira (antiguo Estado Vargas): Esaki ta e zona structuralmente mas destrui y considera e “zona cero” di e tragedia. Parroquia- y urbanisacionnan manera Caravalleda (especialmente Los Corales y Tanaguarena) y El Caribe a sufri colapso masivo di edificio.
Distrito Capital (Caracas): Den e capital a bishita hopi daño, specialmente den urbanisacionnan manera Altamira y Los Palos Grandes (municipio Chacao), unda edificionan halto a baha structuralmente den otro.
Yaracuy: Akinan tabata e epicentro di e prome sismo (magnitud 7.2) y di e di dos (7.5, cerca di Yumare).
Carabobo: Sufri hopi daño, caminda- y infrastructura a colapsa, manera e via principal di Morón.
Miranda: Distinto municipio y cuidadnan (manera Charallave) a sufri daño structural grandi den vivienda- y edificionan.
Aragua: Edificionan a sufri , murayanan cu a cay, specialmente reporta den areanan manera Maracay (Andrés Bello).
Falcon: Tambe a registra daño debi na e forsa di e dos sismonan y e replicanan cu a sigui. Tucacas ta keda na e costa nort-vanguardia di Venezuela, den e Estado Falcon (municipio Silva)
Den e contexto di e reciente temblor di dia 24 di juni 2026, Tucacas a resulta di ta un di e zonanan mas afecta den e Estado Falcón. Particularmente, den e sector di Lamar Suite y areanan manera Boca de Aroa y Cayomar, a bishita colapso di edificionan, daño structural serio na vivienda- y hotelnan, y kibramento di infrastructura di servicio, locual a rekeri operacionnan di rescate intensivo.
E desaster aki a afecta en total por lo menos seis estado principal banda di Distrito Capital y Isla de la Tortuga, lagando un cantidad halto di victima y hospitalnan den estado di emergencia nacional.
EA News, ta manda nos mas profundo palabra di condolencia na e famia y conocinan di e victimanan di e desaster natural aki.