Den un reciente conferencia di prensa, Parlamentario Endy Croes a trece padilanti su preocupacion tocante e gastonan di biahe di Minister Gerlien Croes. Segun e parlamentario, den apenas 14 luna, e mandatario a realisa 15 biahe pa trabou, gastando un total di 500 mil florin.
Falta di cuenta y transparencia
Parlamentario Croes a destaca cu, banda di e gastonan aki, tambe a tuma luga un biahe den jet priva, di cual te dia di awe e mandatario no a duna cuenta na Parlamento di Aruba. E falta di transparencia aki ta preocupante, considerando cu ningun di e biahenan a duna resultado concreto pa e pais.
Un lista di biahe sin resultado
Segun e parlamentario, e lista di biahenan realisa den e periodo di maart 2025 te cu mei 2026 ta inclui destinacionnan manera:
• Corsou
• Santo Domingo
• William Sport
• Puerto Rico
• Merca
Segun Croes, e serie di biahenan aki a tuma luga sin cu tabatin un vision of un plan concreto cu lo por a trece beneficio pa Aruba. Ademas, el a cuestiona e malgastamento di 500 mil florin den biahenan cu, segun Croes , no ta sirbi ningun proposito pa e comunidad.
Campaña di investigacion
Parlamentario Croes a informa tambe cu den e mesun periodo, Minister Gerlien Croes ta bezig cu un campaña di investigacion. Aunke e parlamentario ta reconoce cu esaki ta su derecho, el a señala cu e ta sigui e asuntonan aki di cerca.
https://vt.tiktok.com/ZSCcCApNG/