Departamento di Salud Publico ta mantene un vigilancia estricto debi na un aumento di casonan di sarampi (measles) rond mundo y na diferente pais ron di Aruba. Autoridadnan ta duna un advertencia pa comunidad cu ta plania biahe pa exterior, ya cu tin un riesgo real di contagio ora di bishita areanan cu tin brote di e malesa sarampi (measles) of dengue
E sintomanan di sarampi ta inclui:
• Un temperatura haltu (fever)
• Wowo ta core awa
• Tosamento y iritacion den garganta
• Un rash na cara cu despues ta baha bay otro parti di curpa
Pa personanan cu ta plania di biaha of ku tin contacto cu persona cu tin sarampi, ta asentá e importancia di tuma contacto cu dokter di cas telefonicamente pa ricibi e instruccionnan necesario. Den e mundo di awe, unda hopi hende ta biaha entre diferente pais, e casonan ta aumentando, y na Aruba nos mester ta na altura y tuma precaucion.
Comunidad ta ser informa, specialmente e sector hotelero y personanan cu ta traha den e ramo di turismo. Den colaboracion cu ATA, DVG ta manda un carta informando tocante sintomanan di sarampi y kiko pa haci den caso cu un bishitante, empleado of turista presenta sintoma ora nan ta na Aruba of ora nan regresa nan pais.
Ta importante pa tene na cuenta cu Aruba ta un pais turistico, y maske nos no tin casonan di zika, chikungunya, of casonan di dengue manera otro paisnan, nos mester ta alerta pa cualkier brote importa pa medio di biahero.
Pa loke ta trata prevenshon local, comunidad ta wordo concretisa pa keda alerta pa awa cu ta stagna ora ta yobe. Cualkier tiki awa so por bira un criadero di dengue of otro parasito. Ta vital pa:
• Mantene e poblacion di sangura abou
• Evita acumulacion di awa den cura y rond di cas
• Proteha e comunidad contra malesa transmiti
DVG ta na altura cu tin hopi local a bay cu vakantie den exterior, pero ta importante cu ora nan regresa cas bek pa nan tene cuenta si nan ta sinti nan curpa malo of ta sinti un di e sintomanan ariba menciona.