Na Biblioteca Nacional a tuma luga un momento hopi special y un movemento global pa trece na conscientisacion proposito di nos tur na mundo. Sra Claudia Daher Ponson a cuminsa skirbi su buki Revolutonary Army of Teens R.A.T.S na 2013, pero asina hopi aña a pasa mirando cu e buki tabata un proceso hopi largo. Sra Claudia Daher Ponson ta indica cu e la cuminsa skirbi e buki debi cu e la tuma nota riba e cambio den e hobennan y con nan ta cuminsa biba den e sociedad unda cu cada bes ta hopi mas pega na e telefon , television y tambe sigui tras di balornan cu no ta di berdad, y ta lubida loke ta e balor di famia, respet y e naturalesa.
E buki a wordo skirbi y despues a cuminsa cu e proceso pa edita e buki y despues di COVID a cambia completamente cu e buki y na unda cu a manda e buki pa Kevin Anderson na New York y asina por a logra haya e mes un editor di Angelina Jolie pa edita Revolutonary Army of Teens R.A.T.S. . Na momento cu e buki a keda cla edita e la bin bek Aruba. Despues aña nan a pasa mirando tur e desaroyonan personal , a haya yiu y mester a percura pa cas no a haya e tempo pa sigui cu e proceso di e buki. Sinembargo un dia a acera e yiu homber y a pidi pa manda e buki pa dos luga na Merca pa asina mira si tin interes den e buki, sino e buki lo keda pa semper den lachi.
Di e manera a tuma e decision y a manda e buki na Londen y Merca. Dos luna despues sinta na cas den oranan di anochi na momento cu tur hende tabata drumi a lanta y bay busca un documento den computer y asina a bay wak den Spam y a haya un mail na unda cu ta bisa “ Claudia Daher pabien pabien pabien , entre miles di buki a tuma e decision di scoge bo buki” y lo publica e buki tur caminda , esta na amazon di tur parti di mundo lo ricibi e buki aki, esaki tabata un momento di felicidad pa Claudia Daher y asina den e oranan di madruga na su cas a lanta tur hende for di confo pa conta y expresa su alegria.
Claudia ta kere firmemente cu e buki a Sali na e momento corecto , e buki ta papia di union di tur e muchanan na mundo cu ta bay lucha contra di e forsa nan malo cu a destrui e mundo aki. E forsa nan di aliens cu ta ataca mundo y e muchanan y hobennan di tur religion di tur rasa y di tur nivel social pa lucha contra di e forsa ey. Den e buki loke e cu muchanan y hobennan no sa cu nos mes cu a destrui e mundo hopi tempo atras, nos ta gusta mas tecnologia y no ta stima DIOS manera mester ta y a destrui mundo, pero na e momentonan aki no ta bolbe destrui e mundo un biaha mas , pero den e buki e muchanan ta bay realisa esaki y nan ta uni pa lucha contra di tur loke ta bay pasa.
Autor di e buki Claudia Daher ta indica na momento cu e la caba di skirbi e buki su persona a wordo invita pa bay Roma pa atende Nostra Aetate cu ta un evento grandi unda cu 60 aña atras e Papa Pablo sesto a haci e documento di Nostra Aetate y den e documento ey ta ser poni cu nunca mas lo pasa un guera manera cu segunda guera mundial. Segun sra Claudia Daher Ponson loke cu kisas hopi hende no sa cu despues di dos guera mundial e mundo tabata totalmente destrui, hopi hende sin speransa, muchanan perdi, hopi hamber, edificionan cu nos mes a construi nos mes a destrui.
E papa di e tempo ey a firma un documento cu Islam y hudiu y ta proclama cu nunca mas lo no sosode un guera den humanidad. Na mes momento cu tur e desaroyo di e buki tabata pasando pa sra Claudia Daher Ponson tabata un privilegio cu dia e tabata na Roma cu e por a duna personalmente na Papa Leo XIV su buki y alabes por a participa den e documento legal di celebracion di 60 aña di e documento di Nostra Aetate. Pa sra Claudia Daher Ponson tabata un momento hopi special di por a firma e documento hunto cu e arsobisponan, cardial, rabino y su persona por a firma e documento pa renoba e votosnan cu nos lo bay lucha pa un mundo miho, sin guera, sin hamber, sin tristesa y sin agonia.
