Parlamentario Hendrik Tevreden ta felicita fraccion di PPA pa a yama e dos reunionnan importante cu ta atende situacion di nos adultonan mayor na Aruba. Esaki ta muestra cu otro fraccionnan tambe mester por maneha un comision. Pa parlamentario Hendrik Tevreden tabata hopi interesante pa scucha directie ouderenzaken y tambe OPPA.
OPPA riba su mes tabata hopi critico den e reunion cera pero esaki ta bon, na momento cu bo ta critico ta significa cu ta habri wowo di otro riba cosnan cu kisas no a tuma nota riba dje. Un di e preocupacionnan ta cu ta bay tin un aumento di nos grandi nan cu ta bay conduci na un crecemento dobel.
Tur esaki nan ta punto cu mester tene cuenta cu ne y pa trece un solucion. Sinembargo loke cu tambe a resalta cu OPPA ta indica cu aunke e situacion di nos grandi nan ta un situacion hopi delicado pa Pais Aruba , asina mes e plan pa maneho di nos grandi nan no ta un prioridad pa AVP-FUTURO, nan a mustra esaki tambe unda cu no tin un deseo y maneho den plan di gobernacion di AVP –FUTURO, Presidente di OPPA Ivo Valdez a lamenta esaki.