Den un mundu caminda creatividad hopi biaha ta competi pa atencion, Cas di Cultura ta sigui recorda nos cu e berdadero poder di arte ta sinta den su abilidad pa trese hende hunto.
Pa decadanan, Cas di Cultura a para como un luga di encuentro — un escenario, un galeria, un klas — caminda e bosnan artistico di Aruba ta haya espacio pa crese y wordo scucha. Awor, mientras cu Cas di Cultura ta prepara pa restora su sala di exposicion, e mesun spiritu di comunidad ey ta tumando forma a traves di un art auction cu ta converti creatividad den contribucion.
Loke ta hasi e esfuerso aki remarcabel no ta simplemente e arte mes, aunke e obranan ta imprecionante. E ta e colaboracion — e manera cu artistanan local a ofrece nan piesanan no solamente como expresionnan di beyesa, pero como stapnan pa algo mas grandi. Cada oferta, ta bira parti di un invercion comparti den conserva e futuro cultural di e isla.
Guia pa conosi Rona Coster, e anochi ta priminti mas cu un intercambio di arte pa fondo. E ta un combersacion entre artista y publico, un momento caminda aprecio ta bira accion.
Cas di Cultura su mision semper a extende mas aya di su edificio. Ta trata di crea un luga caminda creatividad y comunidad por prospera banda di otro. E restauracion di e sala di exposicion no ta djis un proyecto di renobacion; e ta un renobacion di proposito, un acto colectivo di cuido cultural.
Pa siña mas tocante con bo por ta parti di e historia aki, bishita e rednan social di Cas di Cultura of manda un email na info@casdicultura.aw.
Press release: Cas di Cultura, Aruba’s Theater and Cultural Center since 1958
