Colegio Ehecutivo di Boneiro den su totalidad a cera conoci cu e minister di Husticia y Siguridad , David van Weel. E siman aki e minister hunto cu su
delegacion ta haci un bishita di trabou na Boneiro. Su bishita ta den signo di cera conoci cu
gobierno di nos isla y varios otro instancia, manera Ministerio Publico, Cuerpo Policial Hulanda
Caribense (KPCN), Instituto Hudicial Hulanda Caribense (JICN) y e Centro Regional di Informacion
y Experticio Hulanda Caribense (RIEC CN).
E ceramento di conoci cu e minister a brinda oportunidad na Colegio Ehecutivo pa pone puntonan
cu ta urgente riba agenda ora ta trata di nos legislacion y regulacion local. Asuntonan cu nan a
papia tocante di dje ta entre otro e echo cu no tin un Ley pa Promocion di Evaluacion di Integridad
di parti di Administracion Publico (Wet Bevordering Integriteitsbeoordelingen door het Openbaar
Bestuur – Bibob) y tampoco un But Administrativo cu ta parti di mantencion di ley den Derecho
Administrativo.
Esakinan ta leynan cu sigur ta necesario pa por salvaguardia bon gobernacion.
Boneiro cada biaha ta bira mas atractivo pa e asina yama labamento di placa: ehecucion di
transaccionnan financiero cu e meta pa sconde e origen ilegal di placa of di otro asuntonan. Esaki
ta consecuencia tambe di e crecemento di actividadnan economico den e ultimo añanan. naturalmente por uza e sector inmobil tambe bon pa esaki.
Combatimento di practica di labamento
di placa ta algo cu e Colegio Ehecutivo aki tin halto riba agenda.
Tambe un biaha mas Colegio Ehecutivo a expresa e deseo pa mas rapido posibel ratifica e
Tratado di instabil pa Boneiru, Saba y Sint Eustatius.
E tratado aki ta pone exigencia pa loke ta trata atendiendo cu violencia (domestico) contra hende muhe y mucha muhe y for di aña 2016 e ta vigente na Hulanda. Tanto e ministerio di Husticia y Siguridad como e ministerio di Salubridad Publico, Bienestar y Deporte ainda mester tuma e accionnan necesario pa haci posibel pa e tratado aki bira vigente aki tambe. A papia tambe tocante desaroyo di e Family Justice Center y un convenio pa scol save, caminda colaboracion cu Cuerpo Policial Hulanda Caribense ta esencial.
Colegio Ehecutivo a experencia e combersacion pa cera conoci como positivo y tin e deseo pa continua cu e colaboracion.