Un situacion sumamente incomprendibel y remarcabel a desaroya den Parlamento di Aruba
durante e reunion piblico pa trata e Landsverordening inzake de Instelling en
aangelegenheden van Ministeries (LIM). E Fraccion di AVP, e partido mas grandi den
coalicion, a presenta un mocion pa urgi Gabinete pa nombra un Gevolmachtigde Minister
(GevMin) na Den Haag pronto.
E Motie y su meta esencial
E mocion di AVP ta accentua cu e funcion di Gevolmachtigde Minister ta di esencial
importancia pa defende e interesnan di Aruba den Reino Hulandes. Nan ta subraya cu e
puesto ta vacante of ta wordo waargenomen sin un nombramento definitivo, y ta den interes
di continuidad, belangenbehartiging efectivo, y representacion diplomatico pa yena e
posicion aki cu urgencia. Pesey, nan ta pidi e Gobierno pa tuma e pasonan necesario pa
nombra un GevMin cu e experiencia diplomatico, conocemento gubernamental y draagvlak
corecto.
Problema den Matrimonio
E señalnan di problema den e coalicion ta bira bisto ora nan partner den coalicion, Futuro, no
a co-firma e mocion. Mas pio e situacion ta bira ora na momento di votacion, e partner aki a
vota contra e mocion di nan mes partner di coalicion.
Contradiccion Ministerial
E stemadvies duna dor di e Ministernan a revela un contradiccion total den e forma di pensa:
Prome Minister (AVP) a bisa cu e mocion ta uno simpatico. Minister di Futuro a declara cu e mocion no ta necesario y cu door di no nombra, esaki ta un manera di spaar placa.
E reaccion aki ta pinta un cuadro caminda un partner ta mira e nombramento como un
necesidad, mientras e otro ta considera un gasto innecesario cu nan por spaar.
Conclusion
E presencia di Aruba den Reino ta Simpatico" pero Di Mas? E resultado di e mocion ta
forsa nos pa conclui cu tin un problema serio di coordinacion y vision den e matrimonio di
coalicion aki. Mi ta haya bon cu porfin AVP ta para pa e importancia di un nombramento di
Gevolmachtigde Minister, un puesto clave pa nos posicion den Reino. Sinembargo, e manera
cu e coalicion a maneha e tema aki ta pone duda serio riba nan capacidad pa traha hunto riba
asuntonan di vital importancia pa nos pais.
Pa finalisa ta remarcabel e desbalans den poder caminda nos por mira cu un partido grandi
manera AVP ta laga Futuro dicta direccion. Na prome instante Futuro no tabata kier pa sra.
Desiree Croes keda nombra y djey no a laga ningun nombracion mas tuma luga. Pero porfin
ta parce cu AVP ta bay para contra nan junior partner pa algo asina importante pa nos pais
Press Release fraccion di MEP