BonaireFeaturedInternacional

Direktorado di supervishon i mantenshon di lei ta bai tene kontròl di preis riba produkto básiko

Prijscontrole

Direktorado di Supervishon i Mantenshon di Lei ta anunsiá ku nan ta bai tene kontròl di preis riba e makutu básiko, konosí komo BON KOMPRA PLÙS.

E inisiativa akí a keda realisá alabes riba súplika di UNKOBON, un organisashon ku ta hasi esfuerso pa interes di konsumidó na nos isla, i e ta un resultado di e anunsio resiente ku otro aña ta bai oumentá  sueldo mínimo. Ku e kontròl di preis entidat públiko Boneiru ke evitá ku ta surgi un eksploshon di preis komo konsekuensia di e kambio akí.

Den kolaborashon ku Direktorado di Planifikashon i Desaroyo lo hasi un investigashon profundo pa sòru ku e preisnan den e makutu básiko ta keda pagabel pa komunidat di Boneiru. Kolegio Ehekutivo ta boga pa stabilidat i ekilibrio riba merkado, miéntras e ta protehá interes di habitantenan.

‘Nos ta desidido pa sòru ku e oumento resiente di sueldo mínimo na Boneiru no ta resultá den oumento eksesivo di preis, loke lo tin un influensia negativo riba nos komunidat. E kontròl di preis akí ta un paso pa salbaguardiá stabilidat di nos ekonomia i pa sòru ku bida ta keda pagabel pa tur hende’, segun diputado Clark Abraham.

Minusiosamente Kolegio Ehekutivo lo supervisá desaroyo di e kontròl di preis akí i lo duna mas aktualisashon na komunidat di Boneiru tokante resultado di e investigashon.    

Related posts

Minister di Finansa Xiomara Maduro riba Presupuesto 2023: Gobierno desde final di aña 2017 a cambia e rumbo di finansa publico di Aruba

EA News Author

Waf cu ta flota lo tin diferente actividad rond di dje

EA News Author

Lo firma un MOU entre gobierno y hotelnan pa inversion y mantencion di area turistico

EA News Author

Leave a Comment

Whatsapp Message