Franklin Seute a publica su buki “Living rich as a student in the Netherlands” 2nd edition. Un buki cu hopi tips y conseho pa esnan cu kier bai studia, of ta studiando caba.
El’a skirbi e bukinan aki basa riba su propio experiencia durante su estudio na Hulanda, y kier a yuda mas hoben. “Pami ta un honor di por a contribui cu un endorsement den e buki aki, y mi ta gradici Franklin un biaha mas pa comparti su experiencianan cu demas hobennan. Mare e buki aki tabata obtenibel tempo cu ami tabata studia” lider di MEP, Evelyn Wever-Croes a duna di conoce.
P’e tabata un honor di por a ricibi un limited edition hard cover na Universidad di Aruba caminda cu e buki a wordo presenta. Franklin ta un inspiracion pa hopi. Pabien!
