Konstrukshon di un Family Justice Center na Boneiru ta ranka sali dia 14 di novèmber 2022. E Family Justice Center lo ta un sitio sentral kaminda partnernan di kadena ta ofresé ayudo na suidadanonan riba tereno di violensia doméstiko i maltrato di mucha (huiselijk geweld en kindermishandeling – HGKM). Pa esaki nan ta bai renobá e edifisio eksistente di Sentro di Bario Antriol Pabou na Kaya Gutu. Na inisio di e konstrukshon habitantenan di bario i partnernan di kadena di HGKM ta bon biní pa presensiá e programa for di 16:00 or te 18:00 or. Durante e inisio lo duna un presentashon tokante kon e Family Justice Center ta bai lusi i kua ta e servisionan ku lo ta disponibel akinan pa suidadanonan.
Na Family Justice Center ta bai ofresé ayudo kaminda un suidadano tin ku konta su storia un biaha so pa haña yudansa. Di e manera akí den un forma seif i efisiente por ofresé ayudo na adultonan, hóbennan i muchanan ku tin di haber ku violensia doméstiko i maltrato di mucha. Mas aleu durante e siman akí ta dediká atenshon spesífiko na maltrato di mucha den e Siman Kontra Maltrato di Mucha. Kuido i Hubentut Hulanda Karibense (Zorg en Jeugd Caribisch Nederland – ZJCN) den kolaborashon ku partnernan di kadena di HGKM ta organisá esaki.
Ta konstruí e Family Justice Center riba enkargo di Entidat Públiko Boneiru pa mas mihó posibel ofresé suidadanonan ayudo riba tereno di violensia doméstiko i maltrato di mucha.