LocalFeatured

Minister Maduro di Cultura ta desea SMAC, tur grupo y participante hopi exito den Carnaval 69

Minfic Y Pres Smac...

Gobierno ta inverti un promedio di 1,5 miyon florin na servicio pa haci Carnaval di Aruba exitoso

Carnaval 69 ta cuminsa e fin di siman aki cu Parada di Flambeu despues cu pa 2 aña largo Aruba no por a celebra Carnaval debi na e pandemia di COVID-19. E ultimo biaha cu gruponan di Carnaval a subi caminda tabata durante e ‘Parada Nacional Cend’e E Mecha 2023’ dia 26 di februari 2022 cu a wordo organisa pa Comision Celebracion Dianan Nacional den cuadro di nos Dia di Himno y Bandera y tambe den cuadro di e Exit Strategy pa Aruba yama Bon Bini na turismo despues di tur e restriccionnan cu e pandemia a trece cune. E fin di siman aki porfin e carnavalistanan lo por subi caya atrobe cu e fantasia y creatividad pa cual e Carnaval di Aruba ta conoci p’e.

Hopi exito y danki na tur cu ta yuda engrandece Carnaval

Minister Maduro di Cultura ta desea SMAC, tur grupo y participante hopi exito den e temporada di Carnaval 69 y ta desea pa tur hende por goza sanamente. E mandatario ta gradici tur esnan cu ta haci e celebracion grandi aki di nos Cultura posibel y ta manda un palabra di gratitud y forza specialmente na Cuerpo Policial, IMSAN, Ambulance, Serlimar, DOW, DTI, Brandweer, cosedonan, estilistanan, voluntarionan y tur otro instancia y persona cu nan trabou y esfuerso ta yuda engrandece Carnaval di Aruba.

Gobierno ta inverti un promedio di 1,5 miyon florin pa haci Carnaval exitoso

Carnaval 69 ta wordo organisa y guia pa SMAC bou liderasgo di su Presidente Darren van Ommeren y su ekipo di voluntario. Gobierno di su banda ta inverti un promedio di 1,5 miyon florin na servicio di varios departamento publico, pa asina haci Carnaval 69 uno exitoso. Banda di esaki, Gobierno a brinda tur grupo cu a participa na e ‘Parada Nacional Cend’e E Mecha 2023,’ e oportunidad pa por a haci un fundraising pa asina por a  prepara pa por subi caminda den Carnaval 69.

Ban celebra sin exceso

Aruba su Carnaval ta e exposicion Cultural mas grandi di nos Pais, un temporada di gozo pa Pueblo y tambe un temporada pa mustra nos bishitantenan con nos Pueblo ta celebra y biba nos cultura. Minister Maduro ta haci un apelacion pa nos comportacion civico sin exceso innecesario y cu atencion special na nos muchanan y hobennan durante e celebracion cultural aki cu ta wordo biba tambe pa nos bishitantenan. Ban hunto biba nos cultura y laga un bunita recuerdo di e celebracion di Aruba su Carnaval 69.

 

Related posts

Un poema acrostico, dedica na- ROBERTO GEERMAN – rip

EA News Author

Ta un honor pa Holland America Line celebra su 150 aniversario na Aruba

EA News Author

Salubridad publico ta haci un yamada

EA News Author

Leave a Comment

Whatsapp Message