Riba Dia Mundial di Siudadanonan di Edad 2026, e Minister di Salubridad Públiko, Desaroyo Sosial i Labor, e Honorable Claret Connor, ta uni su mes ku e pueblo di Sint Maarten pa duna rekonosementu na e hombernan i muhénan ku su forsa, sakrifisio, sabiduria i perseveransia a yuda forma e fundeshi riba kua nos isla ta para awe.
“Nos grandinan ta e hendenan ku a construí e isla aki i a cria su yiunan. Nan ta e skoudernan riba kua nos ta para,” Minister Connor a bisa.
A traves di generashonnan, nos siudadanonan di edad a kontribui na e forsa di nos famianan, nos komunidatnan i nos nacion. Nan historianan ta karga nos historia. Nan eksperensianan ta duna guia. I nan presensia kontinua ta recordá nos di unda nos ta bin i e balornan cu a forma nos stimá Sint Maarten.
E Minister a enfatisá cu honra nos grandinan mester bai mas ku palabra.
“Komun Minister, ami, i kada siudadano, ta para riba boso skoudernan, i mi ta reconose cu e responsabilidat pa e bienestar, dignidad i kualidat di bida komo un siudadano di edad ta un ku ami i e Ministerio aki ta karga, i mi ta tuma e responsabilidat ei na serio. Nos mester sigui scucha boso, compronde e reto nan cu boso ta enfrenta, i garantisá cu boso ta keda conektá, independiente i balioso den nos sosiedat.”
E Minister kier expresa su gratitud tambe na e organisashonnan, kuidadornan, famianan, iglesianan i gruponan di komunidat cu ta traha henter e aña pa apoya siudadanonan di edad i promova nan bienestar.
Pa rekonose Dia Mundial di Siudadanonan di Edad, e Organisashon di Siudadanonan di Edad di Sint Maarten, den asociashon cu e Fundashon Home Away from Home, lo organisá un Walk-a-thon riba diasabra 22 di ougùstùs 2026. Ta programa pa e caminata cuminsá pa 8:00 a.m. for di e waf Walter Plantz Pier na Philipsburg, treciendo e komunidat hunto den celebrashon i solidaridad cu siudadanonan di edad di Sint Maarten.
E Ministerio ta enkurasha e komunidat pa apoya e inisiativa i pa sigui rekonose e balor di nos grandinan—no solamente riba e dia aki, ma henter aña.
“Na tur nos siudadanonan di edad: boso a habri caminda. Boso ta sigui conta! Boso merece di wordu mira, scucha, respeta i cuida. Boso legado ta fortalesé nos nacion, i boso presensia ta sigui inspira nos.”
Feliz Dia Mundial di Siudadanonan di Edad, Sint Maarten.