Featured Local

Minister Maduro na ocasion di e Bishita Real: Plaza Padu tabata yena cu creatividad artistico y alegria di nos hobennan di scouting y club di deporte


Riba e di dos dia di e Bishita Real, e Famia Real a bishita Plaza Padu cu tabata scenario pa musico, artesano y hobennan di diferente grupo di scouting y deporte topa cu e Famia Real prome cu nan bay disfruta di e show di Bon Bini Festival na Fort Zoutman.

Cu hopi alegria e muchanan a cera conoci cu e Rey, Reina y Princesa cu a pasa saluda nan. E Famia Real a tuma tempo tambe pa admira e obranan di arte di nos artistanan local, mientras cu e scenario tabata ta yena cu baile y musica.

Na caminda pa Bon Bini Festival e Famia Real por a admira un bunita ‘mapping’ di potretnan di SA Princesa Amalia proyecta riba e toren di Fort Zoutman na honor di e Princesa su prome bishita na Aruba.

Minister Maduro ta gradici tur instancia y persona cu a haci e evento aki un exito, specialmente e Comision Real cu a prepara e bunita programa na Plaza Padu.

Related posts

Si bo no tin alergia di ningun cuminda join FAVI su evento

EA News Author

Pa mita di e aña aki ya caba AZV a cumpra 19.7 miyon di cuido medico den exterior

EA News Author

Dakota y Aruba ta bisa ayo y te despues Sr. Jose Maria Dania – RIP

EA News Author

Leave a Comment

Whatsapp Message