PoliticaFeatured

Minister Xiomara Maduro ta informa: DEZHI a presenta na Conseho di Minister informacion actualisa riba trabounan di e Plan Strategico Nacional ‘Nos Plan, Nos Futuro’

Nsp3

Minister Xiomara Maduro ta informa cu Departamento di Asunto Economico (DEZHI) a duna un presentacion na Conseho di Minister cu informacion actualisa riba e trabounan di e Plan Strategico Nacional ‘Nos Plan, Nos Futuro’. E plan aki tin como meta guia Pais Aruba pa logra e metanan di desaroyo sostenibel ‘SDGs’ di Nacionan Uni.  E plan tin 9 programa cu ta enfoca riba un desaroyo sostenibel incorporando maneho y accionnan cu ta stimula coherencia riba areanan di maneho economico, social y di medio ambiente.

Plan Strategico Nacional

E Plan Strategico Nacional a wordo coordina door di Departamento di Asunto Economico conhuntamente cu gruponan multidisciplinario di expertonan local forma pa stakeholders di sector publico, sector priva, NGO’s y academia (EXWG). E plan su vision ta pa aña 2030 mientras cu e obhetivonan strategico y e accionnan ta cubri e periodo di aña 2020 pa aña 2022. Pa garantisa cu e obhetivonan y accionnan ta keda actualisa den e contexto mundial y local cu ta cambia rapidamente, lo traha un di dos periodo di e plan pa e periodo di aña 2023 pa aña 2026 y un di tres periodo di aña 2027 pa aña 2030. Esaki lo wordo haci manteniendo e vision pa aña 2030 y e metanan di desaroyo sostenibel (SDGs) como base.

Adaptacion di e plan door di COVID19

Recientemente y como consecuencia di COVID 19 e plan a wordo adapta pa inclui accionnan di e Masterplan ‘Repositioning our sails’ pa asina actualisa e plan a base di e necesidadnan actual y necesario pa introduci reformanan pa stimula economia. Hopi di e accionnan den e Masterplan tabata inclui caba den e Plan Strategico Nacional pero algun ta mas specifico debi na e situacion di pandemia cu a trece necesidad pa acelera algun reforma.

Trabounan a continua

Minister Xiomara Maduro ta sigui informa cu e trabounan cu a wordo haci durante ultimo lunanan tabata entre otro cu e grupo di trabou pa indicadornan di e SDG, (SDG-IWG) pa localisa e obhetivonan y indicadornan na e contexto local. Departamento di Asunto Economico a sigui desaroya tambe algun instrumento pa por haci e proceso di prioritisacion di accionnan flexibel y pa preparanan pa por wordo financia. Tambe a crea un cuadro di referencia pa por monitor cada actividad y evalua con e implementacion di e plan ta wordo cumpli y duna asistencia unda cu mester. DEZHI lo raporta tur kwartaal riba e ehecucion di e plan y asina mantene Conseho di Minister na altura di e implementacion di e Plan Strategico Nacional ‘Nos Plan, Nos Futuro’. Minister Xiomara Maduro ta gradici e profesionalnan na Departamento di Asunto Economico y e participantenan den e grupo di trabou pa tur e trabounan.

Nsp6Nsp5Nsp3 1Nsp2

Related posts

SADA kier pa Gobierno para ley cu stroba nan caso den bodemprocedure

EA News Author

Casonan sospechoso di Dengue ta subiendo na Aruba Ta pidi comunidad pa tuma medida necesario pa stop transmision di Dengue

EA News Author

Discurso nacional di prome minister di Aruba Evelyn Wever-Croes

EA News Author

Leave a Comment

Whatsapp Message