Politica

Parlamentario Arthur Dowers Gabinete Wever Croes ta consisti di un grupo di abusadonan di pueblo


Na momento cu un  pais tin un gobierno cu nunca a cumpli cu pueblo, cu nunca a duna puebl;o loke nan a priminti di duna pueblo pero al contrario e mesun gobierno aki tin mas cu cuater aña sembrando pobresa, ta mas cu claro cu tin cu consideera nan un grupo di abusadonan di pueblo.

Parlamentario ArthurDowers di fraccion di AVP a mustra durante conferencia di prensa, cu Prome Minister Evelyn Wever Croes tga un abusado di pueblo, abusado di hendenan humilde, di hendenan di poco recurso, ya cu ora cu den pueblo tin muchanan ta wordo perhudica pa un mal maneho di su gobierno y awor ta bay keda sin cuminda, esaki ta un abuso di marca mayor.

“Mientras cu na mesun momento c’un fundacion di boluntarionan, ta bin dilanti y anuncia e siman aki cu placa no ta yega mas y cu e fundacion lo tin cu reduci e cantidad di cuminda cu 300 mucha, e gobierno abusado aki kier hunga bunita papiando di entrada extra cu gobierno a genera.

Pa colmo aki ta trata di entradanan extra riba custia di pueblo ya cu  medidanan tuma den pasado cu aumento di BBO, cu aumento di accijns riba combustibel, mientras cu pueblo tin cu paga mas pa gasolin y diesel, gobierno ta generando placa extra cu e medidanan aki impone riba pueblo.

Miyones adicional a drenta caha di gobierno  pero pueblo ningun momento por a tuma nota di un gesto di Evelyn of su gobierno  caminda  e ta bisa di lo alivia e peso grandi cu pueblo ta cargando, c’un inflacion sin misericordia pa algun luna caba.

Ora cu un fundacion bin dilanti y bisa cu 300 mucha lo no por ricibi algo di come na scolnan mas pa motibo cu e fundacion no tin suficiente fondo,  Evelyn y ningun otro di su ministernan a bin dilanti y saca un man pa yuda e fundacion aki, pa asina sigura alimentacion pa e grupo di 300 mucha di scol aki.

Muchanan cu na cas caba ta confrontando problema cu aumento continuo di prijsnan, cu parcialmente ta wordo influencia pa desaroyonan den exterior pero pa gran parti e situacion aki a ser crea pa gabinete Wever Croes cu ya a anuncia mas medida na caminda cu aumento di BBO dentro di algun dia.

Ta mesun señora aki den su calidad como Prome Minister, a papia cu su gobierno lo bay reduci gasto pero na momento cu gobierno reduci gasto, esaki ta habri oportunidad pa pueblo por hala un tiki rosea pero loke pueblo por a mira of a experencia, ta net lo contrario.

Awor e mesun señora aki ta papia di ‘meevallers’ pero Evelyn ta lubidadi bisa pueblo cu e placa extra aki, a wordo genera dor di decisionnan riba mercado mundia di petroleo caminda medidanan cu su gobierno a tuma for di 2018, ta pone cu asina cu prijs di combestibel aumenta, su gobierno tambe ta haya mas entrada riba custia di pueblo.

E placa adicional aki no ta wordo inverti bek den comunidad, loke ta conduci na un aumento di pobresa formal riba e isla y cu tin como consecuencia, cu hopi muchanan cu ta bay scol, ta wordo perhudica pa e tipo di maneho desproporcional di gabinete Wever Croes,” Parlamentario Arthur Dowers a declara.

 

 

Related posts

Prome Minister Evelyn Wever-Croes: Pa bienestar di siguridad di alumno y maestronan, ta pospone fecha cu scol ta habri pa 10 di januari

EA News Author

Parlamentario Alvin Molina: Tres mocion entrega riba ultimo dia di reunion

EA News Author

Parlamentario Michael Lampe cu un tono basta skerpi ta cuestiona e uzo di ayudo social pa departamentonan cu ta cay bou di Ministerionan di Prome Minister Evelyn Wever Croes

EA News Author

Leave a Comment