Politica

Parlamentario Endy Croes: Rapport Bo Aruba devastador! “Benny Sevinger berdad ta corupto y no ta give a damn cu Aruba”


ORANJESTAD,Aruba

Parlamentario Endy Croes ta puntra su mes si Benny Sevinger e ex minister corupto di AVP por drumi trankil anochi. Banda di a desgracia e pais aki cu actonan fraudulento y coruptivo den cuestion di tereno tin alabes un rapport cu Controlaria General esta Algemene Rekenkamer (ARA) a traha cual ta liña recta contra proyectonan cu entre otro Benny Sevinger y Mike Eman a aproba.

Benny no kier contesta ARA

Ta masha normal momento un accountant bureau of un instancia den e caso aki Algemene Rekenkamer produci un rapport contra bo, nan ta duna bo espacio pa bo reacciona y/of contesta riba tur locual nan a haya promer cu nan produci e rapport final. Dia 21 di februari 2017 a pidi Benny Sevinger pa un reaccion. Lamentablemente Benny a scoge pa keda keto y no a reacciona. Algemene Rekenkamer den nan rapport a splica cu 28 di maart 2017 a manda un rappelbrief pa Benny “Avestruz”  Sevinger y a bolbe pidi’e pa duna su comentario promer cu nan bay over na termina e rapport. Benny a bolbe scoge e caminda pa ignora Algemene Rekenkamer y no a contesta. Algemene Rekenkamer a sigui purba pa haya Benny su reaccion y 7 di juni 2017 nan a manda un carta pa Benny Sevinger splicando Benny cu nan ta lamenta masha hopi cu Benny no kier reacciona y nan a informe cu nan lo dal bay pa termina e rapport promer cu aña termina.

Violacion di Ley di Contabilidad

Riba pagina 58 Algemene Rekenkamer a splica cu a keda prueba cu Minister President Mike Eman tambe a hunga un rol importante den decisionnan pa cu proyectonan Bo Aruba. 1000 miyon florin a wordo otorga na 241 proyecto di cual ta falta masha hopi projectdossier. Algemene Rekenkamer a accentua cu e risiconan ta asina halto cu placa por tabata sali y no ta yega pa e proyecto destina. No por a controla y Staten (stem-clowns) di AVP e tempo aya tabata duna Benny tur cooperacion y tabata laga tur cos pasa. Pagina 42 a splica cu no a sigui e wettelijke procedures. “Dit brengt onrechtmatigheden met zich mee”.  Pues a viola na varios ocasion art 26 di Ley di Contabilidad.

AVP ta sinonimo na corupcion Segun Parlamentario Croes pa rasonnan similar ex lider di AVP Tico Croes a wordo condena penalmente. Parlamentario Endy Croes ta bisa ta hopi frapante si cu AVP ta sinonimo na corupcion. Hopi tristo pa mira con Aruba a wordo desgracia financieramente pa politiconan di AVP hambra pa placa. Parlamentario Endy Croes a splica cu banda di e rapport cu ta contene “feitelijke bevindingen” mala lenga ta bisa cu e piscina na cas di Benny Sevinger a wordo traha “gratis” como regalo cu un contratista a duna bek pa fabornan cu el a ricibi di Benny esta contractonan fabuloso. Solamente Benny Sevinger por contesta esaki. Kisas Benny no kier a contesta Algemene Rekenkamer pero por bien ta cu Benny Avestruz Sevinger tin boluntad si pa contesta pueblo riba e pregunta cu Parlamentario Croes a haci’e publicamente. Nos ta lag’e te akinan pa awor. 

Related posts

Minister Endy Croes presente pa duna sosten na atletanan den e Prome Edicion di ‘Battle of the Relays’ organisa pa Aruba Triathlon Association

EA News Author

Anochi informativo tocante belasting nobo BTW na Cas di Partido

EA News Author

Gobierno di Aruba: Un aña pasa gobierno a stabilisa e crisis financiero hereda di gobernacion anterior

EA News Author

Leave a Comment