Secretario di estado di Asuntonan Interno y Relacion di Reino, Eddie van Marum, ta na Aruba y a haci un bishita na parlamento di Aruba. E mandatario lo haci bishita na e islanan CAS Sint Maarten, Aruba y Corsou. Esaki lo bira su prome biahe pa e parti Caribense di Reino, desde cu el a tuma e cartera di Relacion di Reino di su antecesor. E bishita di secretario di estado Van Marum ta pa cera conoci cu e isla- y gobernantenan. Topiconan importante durante e bishita di trabou ta entre otro siguridad di cuminda.
Secretario di estado di Asuntonan Interno y Relacion di Reino, Eddie van Marum na su yegada na Aruba for di salida di aeropuerto ta mira e bunitesa di e isla unda cu ta hopi berde y unda cu ta mira cu tin hopi movecionnan riba e isla. Secretario di estado ta contento di ta na Aruba y tabatin diferente bon reunionnan cu a tuma luga unda cu a haci bishita na gobernador y a bishita parlamento .
Tambe awe dia 13 di augustus 2025 lo ta na minister raad y tambe lo kier combersa cu e poblacion di Pais Aruba.Den e reunion cu parlamento a bin diferente preguntanan riba mesa, pero principalmente pa conoce otro y tambe sa kico ta e pensamento y direccion cu kier bay pa traha cu otro . Sinembargo tambe parlamento a trata di haci mas otro preguntanan pa haya informacion di loke cu parlamento ta haya importante , pero e realidad ta cu gobierno di Aruba ta esun cu mester informa parlamento y no ta keda na su persona pa duna informacion di loke e gobierno di Aruba su tarea ta pa informa parlamento di Aruba.
Sinembargo tambe den e reunion a combersa riba con lo bay traha cu otro riba diferente puntonan cu ta relaciona e isla cu Hulanda. Un di e prioridadnan di e secretario di estado ta e tema di siguridad di cuminda y lo presenta un bunita proyecto y esey lo duna un splicacion na gobierno di Aruba tambe unda cu ta bay tin 10 criado di bestia y lo elabora riba e proyectonan cu lo bay implementa y ta kere cu ta importante pa stimula agricultura pa asina tin mas sistemanan di plantacion pa cuminda aki na Aruba y pa asina Hulanda por duna placa pa haci e proyecto posibel.
Tin un suma di 24 miyon disponibel pa e proyecto den mente , pero actualmente ta den combersacion cu diferente gobiernonan di e islanan ta pa presenta e proyecto prome y pa mira con como gobierno lo bay traha pa haci e proyecto posibel pa Pais Aruba. Na momento cu tin decisionnan definitivo lo por sigui amplia riba e parti aki.
Na mes momento tambe ta indica cu a haya preguntanan riba e situacion di Rijkswet , berdad ta como parlamentario por haci tur pregunta desea pero e caminda corecto ta cu parlamento ta figa un posicion , ta duna gobierno encargo , gobierno mester ehecuta y despues mester bolbe parlamento y asina parlamento por evalua y haci preguntanan , asina e funcionamento mester ta segun Secretario di estado di Asuntonan Interno y Relacion di Reino, Eddie van Marum y si esaki no ta sosode Aruba ta den un problema grandi cu su sistema.
Sinembargo Secretario ta indica cu e ta un persona cu ta intermedia entre Aruba y Hulanda y mester duna cuenta na parlamento di Hulanda di kico ta pasando na Aruba. Esaki ta e caminda cu mester cana y esaki ta e caminda cu e ta cana y si Aruba no ta cana e caminda aki lo tuma nota di esaki tambe.
Banda di esaki e ta haya cu Aruba ta un bunita isla, semper e la biaha den e paisnan friu, pero e calor di e hendenan di Aruba y na e manera cu e la keda ricibi ta hopi bon y ta di aprecia y loke cu ta sigur sea ta den su posicion como Secretario di estado of no e lo bishita Aruba sigur bek.
