Presidentenan di Parlamento di St. Maarten a expresa sorpresa despues di presentacion di Minister di Finansas di Aruba, Geoffrey Wever, durante Inter Expo na Hulanda. Segun nan, tabata inespera cu Aruba,un pais cu finansanan ta na orden segun e propio presentacion di e minister ta pone riba mesa e idea pa move for di un landsverordering local na un Rijkswet, un paso cu por resulta den un nivel mas halto di maneho for di Reino.
Pa e presidente di Parlamento di St. Maarten, e planteo ta contra e direccion cu Aruba kier bay. Nan a indica cu si Aruba ta demostrando stabilidad financiero y lo tabata mas logico pa sigui traha den un marco local,no pa hiba e maneho financiero na un nivel di supervision mas rigido.
E lider parlamentario a pone claridad cu, segun nan, un Rijkswet por reduci libertad di politica financiero di un pais dentro di Reino, y pa es motibo nan a pone cuestion riba motivacion atras di e idea. Nan reaccion a keda notabel durante e evento, ora nan a considera e planteo di Minister Wever manera un paso inespera cu por tin consecuencia pa autonomia di Aruba.
E situacion a reviva e debate regional tokante autonomia, maneho financiero y relacion cu Hulanda, un tema cu ta keda den centro di discurso politico den Caribe Hulandes y Caribe.