E resultadonan di e investigacion reciente pa e experto Henk Ferwerda un estudio encarga pa e Procurador General (PG) despues di un alarma cora riba e aumento di delitonan grave y e edad cada bes mas hoben como e blueprint di urgencia maximo pa e proximo maneho di pais Aruba. E informe aki, presenta formalmente na Universidad di Aruba, no ta simplemente un lista di statistica; e ta un bofta di realidad ecutante cu ta mustra con nos social-economico ta cuminsa cansa y devalua den criminalidad organisa den nos barionan.
Si e futuro gobernacion di AVP – FUTURO kier lidera un transformacion berdadero, e no por lubida e radiography alarmante aki. Nos hobennan ta cayendo den un hunder pisa, y e solucion no por warda un dia mas. No por dies construi edificio y kere cu esaki lo duna un efcto na e bida social.
E Realidad frieu: Barionan Vulnerabel y e “Cultura di Soldier”
E datonan ta mustra cu anualmente, 1.5% di nos hobennan entre 12 y 18 aña ta bin den contacto cu polis ,un cifra comparabel cu Hulanda, Criminalidad hubenil na Aruba tin nomber y cas. E ta concentra intensamente den barionan specifico: Pos Chikito, Sabana Basora, Cayenastraat, Village, De Vuyst, Madiki, Dakota y Seroe Patrishi. No for di awo, pero awendia mas cu nunca.
Den e barionan aki, caminda hopi cas ta wordo frecuenta pa un solo mayor (mamanan nan so, cu mester carga dos pa tres trabao pa carga e bida caro di un economia basa riba turismo), e bashi un buraco di supervision. Sin un control den cas, sin school-dropouts y sin opcionnan sano pa dedica tempo liber. Sinembargo e caya ta yena e bashi y e peliger
E hobennan aki, den nan busqueda pa identidad, respet y placa facil, ta wordo absorbi pa e asina yama “Crews” of “Soldiers” rond di 15 pa 16 grupo activo cu ta fungi como un comunidad alternativo caminda nan ta haya e status y e poder cu e sistema formal a nenga nan.
Armanan for di Latinoamerica y e Peligro di Droga
E delitonan ya no ta un simpel pleito di caya mas di mitar di e hechonan criminal ta encuandra violencia puro (maltrato severo, menasa y pelea organisa). Mas preocupante ainda ta e normalisacion y e aumento criminal di posesion di arma de candela, introduci for di Latinoamerica debi na nos posicion geografico cu ta fungi como un “hub” vulnerabel pa narcotrafico, migracion ilegal y contrabanda.
Esaki no ta keda den scuridad: e “cultura di soldier” y machismo aki ta wordo alenta, reforsa y propaga den forma di provocacion y reclutacion directo via social media. Ora e hobennan aki drenta e rango di adultonan hoben (18 pa 23 aña), caminda dos tercer parti di e sospechosonan structural ta wordo registra na Ministerio Publico (OM), e delitonan ta escala caba den direccion directo di crimen organisa y narcotrafico.
E Factor Femenino den Aumento: E informe ta bati un alarma special riba e mucha muhenan. Na 2024, e cantidad di sospechosonan femenino a subi na 25% di e total. Hopi biaha nan ta wordo involucra den e criminalidad aki, sea facilitando armanan/droga pa via di relacionnan, of participando den conflictonan via social media mientras cu na e mesun momento, hopi di e mucha muhenan aki mes ta victima structural di explotacion, negligencia y violencia di genero.
Un Sistema Hudicial Cu Ta Inhala Aire: E Desafio den KIA
Nos por pidi mas represion, pero e cadena hudicial actual ta na un punto di collapse por completo debi na falta de recurso y personal:
K.I.A.: Ta enfrenta un falta di personal den un nivel asombroso di 75%, operando den un infrastructura bieu y cu casi cero programa real di re-integracion pa evita recidivismo.
Maneho Limita: Polis, OM, y Reclassering ta traha cu mannan mara. Programanan clave cu tin potencial grandi, manera Veiligheidshuis y e programa HALT, simplemente no por ecuta debi na falta structural di financiamento. Sin data adecua y centralisa, ta imposibel pa haci un maneho preventivo efectivo.
E presentacion na Universidad di Aruba tabata bon cla , pero na mes momento e gobierno di AVP –FUTURO a haci algo? y of ta haciendo algo pa e sistema aki ?of ta papia cu hopi sucu na boca y laga e sistema kibra y crash, pa despues bay na rudia na Hulanda paso no por of no sa con pa maneha un PAIS y no por haci nada di nan mes como politico sinta na gobernacion, y asina keda entrega Aruba poco poco na Hulanda mas ainda , paso e politiconan di AVP –FUTURO ta incapaz pa por maheha un PAIS manera e mester ta pa e pueblo di Aruba manera debe ser ?