FeaturedLocal

Prome Minister Evelyn Wever-Croes: Danki na nos cuerpo di bombero pa e trabou cu nan ta eherciendo pa e siguridad di nos tur

9 Di October Dia Di Bombero

9 di October, Dia di Bombero

“Un dia manera awe ta pa aumenta conscientisacion pa e comunidad yega mas cerca di nos cuerpo di bombero y gradici nan”

En conexion Dia di Bombero, Prome Minister Evelyn Wever-Croes, den nomber di Gobierno di Aruba, ta gradici tur ciudadano di nos pais cu ta bisti uniform di curashi y balentia, nos bomberonan. Riba dia di Bombero, 9 di October, como un pueblo uni, nos ta honra nos ciudadanonan aki y ta gradici nan profundamente pa e trabou cu nan ta eherce pa brinda e siguridad na momento cu ta necesario. 

Dilanti vlamnan di candela y retonan den comunidad, nos bomberonan ta mustra e spirito berdadero di ta heroenan. Nan ta bay dilanti peliger na momento cu otronan lo mester huy poniendo nan bida na peliger pa asina proteha nos cas, nos comunidad. Nan compromiso cu nos pueblo ta bay mas leu cu paga candela. Nan ta esnan cu ta wordo yama den tur situacion insigur. Y pa e motibo aki, nan no solamente merece nos aprecio, sino tambe nos respet. Prome Minister, den nomber di Gobierno di Aruba y pueblo di Aruba, ta gradici Cuerpo di Bombero di Aruba pa e trabou cu nan ta eherciendo pa e siguridad di nos tur. 

“Ban laga e trabou di bombero, nan actonan den nos comunidad, inspira cada un di nos pa ta miho ciudadanonan, pa tin mas curashi y pa brinda yudansa na nos bisiñanan den momentonan di necesidad. Nos ta balora e trabou cu bomberonan ta eherce. Nos ta aprecia e trabou cu nan ta haci pa nos. Un dia manera awe ta pa aumenta conscientisacion pa e comunidad yega mas cerca di nos Cuerpo di Bombero y gradici nan”, Prome Minister a expresa. 

9 Di October Dia Di Bombero.3Danki Na Nos Cuerpo Di Bombero Pa E Trabou Cu Nan Ta Eherciendo Pa E Siguridad Di Nos Tur

Related posts

Pastor Marcel Balootje: Reconciliacion di famia y matrimonio ta un piedra precioso

EA News Author

Parlamentario Marco Berlies: Marisol Lopez Tromp no tin e corahe pa para den su sapato pa desicionnan cu e la tuma den pasado

EA News Author

Oportunidad pa controla bo salud na diferente MFA rond di Aruba

EA News Author

Leave a Comment

Whatsapp Message