PoliticaFeaturedLocal

Reunion entre Minister di Economia, Comunicacion y Desaroyo Sostenibel y Stichting Rancho

Gbw Meeting Stichting Rancho 1

Dialuna ultimo Minister di Economia, Comunicacion y Desaroyo Sostenibel, Geoffrey Wever, a reuni cu representantenan di Stichting Rancho cu tabata Sr. Clifford Rosa (Presidente) y Sr. Di-Stefano Wernet (Tesorero).

 

E vision di Stichting Rancho ta pa balora y proteha e herencia cultural di Rancho cu perspectiva social cultural economico positivo y sostenibel. Esaki entre otro door di cultiva un ambiente faborabel cu su potencial no limita pa medio di arte, comercio, ofishi, educacion.

 

Durante e reunion ambos representante di Stichting Rancho a entrega Minister Wever nan “Strategic Capacity Building Plan 2022-2026”, un plan cu Stichting Rancho mes a laga prepara.  Tambe a intercambia di idea over e celebracion di 200 aña di Oranjestad cu lo wordo cumpli na 2024, cu lo ta un celebracion historico, y a explora con Stichting Rancho y Gobierno di Aruba por uni den e preparacion di e celebracion aki.

Mi ta agradecido di por a comparti un reunion fructifero cu e representantenan di Stichting Rancho y contento pa wak con nan ta traha cu pasion pa un bario cu tin un balor cultural y historico sumamente importante”.

Tambe un preocupacion cu a bin padilanti ta importante pa sigui monitorea e desaroyo di prijsnan na Aruba. Pa e motibo aki a concorda cu tur e partnernan cu tabata presente na e presentacion, cu lo sigui traha den un manera estrecho pa haya un bista detaya di e desaroyo di prijsnan na Aruba

Related posts

DAS ta lansa Loket Social

EA News Author

Koninklijke Bibliotheek Hulanda ta reuni regularmente cu e bibliotecanan di Caribe Hulandes pa traha hunto riba diferente punto

EA News Author

Parlamentario Alan Howell: Encuentro publico historico dialuna den Parlamento riba desaroyo di Pariba di Brug

EA News Author

Leave a Comment

Whatsapp Message