Sindicato di polis Rodney Solognier prome cu nan a bira sindicato demisionario, tur cos tabata cana bon durante di e reunion cu a tuma luga na POVA hunto cu alto comisario Ramon Arnhem. Segun Sr. Rodney Solognier e reunion tabata mas bien pa duna oportunidad na e miembronan di sindicato pa intercambia directamente cu Korpschef riba nan preocupacionnan.
E oportunidad ta pa esunnan cu tin nan inkietud nan por haci nan preguntanan cu nan ta desea. E idea aki a keda treci pa e sindicato mes mirando cu tin miembronan ta disgusta debi cu nan no ta mira cu nan situacionnan ta haya respuesta of resultado, pesey mes a bin cu e idea pa conecta miembronan mes hunto cu Korpschef y pa nan haya nan contesta y asina e transparencia ta mas miho.
E procedura normal ta cu na momento un miembro ta acerca un sindicato e sindicato ta cana su caminda pa soluciona e problema di e miembro, pero loke cu hopi biaha e miembronan no sa cu e sindicato mes hopi biaha mester cana un caminda di trapi largo cu durante di e transcurso ey cosnan por resulta, pero tin casonan cu nan no ta resulta.
Presidente di sindicato SPA a traha e espacio pa esunnan cu tin pregunta pa e persona indica cu ta e korpchef conecta cu e miembronan y contesta tur e preguntanan cu kisas no a haya of no ta contento cu e pregunta of tin duda ainda. Esaki tabata un one and one cu korpschef riba vloer.
Mester bisa tambe esaki ta prome biaha ta sosode mirando cu nunca antes un korpschef na Aruba a yega di conecta asina aki cu e miembronan. E ta algo bunita pa mira y experencia,ta spera cu por ripiti tipo di seccionnan asina.
Di banda di Korpschef mes e ta sumamente contento cu e conexion aki a logra y a vocifera tambe cu e ta desea pa tipo di seccionnan asina aki sigui tuma luga durante aña sikiera tres bes pa aña pa asina e ta mas cerca di su personal.