Tourism Corporation Bonaire (TCB) den luna di yüli a duna rekonosementu na e pareha Dick i Netty van Kleef di Hulanda ku ta bishitando Boneiru pa 15 aña. E rekonosementu akí tabata un sorpresa agradabel pa e pareha, mirando ku nan amiga sra. Agnes Joosten a trese nan den spòtlait pa esaki.
Tambe a duna un rekonosementu spesial na Matthew i Deborah Giffin di Merka. E pareha akí ta asina entusiasmá ku Boneiru ku nan a inisiá ku akshon di limpiesa na sierto áreanan di Boneiru komo boluntario. TCB a duna nan un rekonosementu pa e gesto bunita akí i pa tur esfuerso ku nan ta hasi pa e isla di Boneiru.
Pa TCB, Helen Mercera i Annette Emerenciana a ofisialisá e seremonianan i a hasi entrega di e sertifikadonan i fenetanan korespondiente.
