ORANJESTAD, Aruba
Awe pa exactamente 12or di atardi trahadornan di KIA a pone trabou plat pa cu nan mal contento di e maneho di Director di KIA.
Sr. Leo Tromp di sindacato TOPA ta splica cu pa basta tempo e Director actual sr. Gino Winklaar ta maneha KIA na un forma robes. E ta tuma decisionnan su so y no ta aserca esnan cu tin hopi anja trahando na KIA. Ta asina cu no mucho tempo atras Sr. Gino Winklaar a tuma e posicion como Director di KIA despues di un carera extenso den cuerpo polial Aruba. Leo Tromp di TOPA ta splica cu no por uza e mesun forma di maneho como na cuerpo policial pa maneha KIA. “No por bisti 2 pechi” sea bo ta Director di KIA of bo ta traha na cuerpo policial. Tambe a wordo menciona pa tocante e K-9 Unit di KIA cu na momento aki tur ta sospendi pendiente un investigacion pa cu nan comportacion laboral. A opta pa uza K-9 Unit di cuerpo policial embes di uza K-9 Unit di KIA mes. Awetardi 3or Sr. Leo Tromp di TOPA lo reuni cu Minister Andin Bikker pa cu e situacion na KIA.
Trahadornan di KIA ta pone trabou plat pa cu mal contento den maneho
