Aworakí Pelk ta direktor di munisipio hulandes Alkmaar. E ta den e funshon ei desde 2013. Di aprel te ku mei 2016 Pelk a funshoná temporalmente komo sekretario di e munisipio di Alkmaar. Promé ku e a bai traha na Alkmaar, Pelk a traha komo sekretario di munisipio na Boskoop i Alphen aan de Rijn.
Despues ku e funshon di sekretario di isla a bira vakante 1 di novèmber 2019, Kolegio Ehekutivo a buska un persona ku eksperensia. Huntu ku e mènedjer di kambio i e ‘concerncontroller’, ku mester bini ainda, Pelk por duna un sosten na e ambishon di Kolegio Ehekutivo pa loke ta trata e programa di maneho. E lo yuda tambe pa reforsá e poder di maneho manera palabrá den e akuerdo di gobernashon.
Na mes un momento Kolegio Ehekutivo a apuntá un tim di kambio ku ta okupá su mes ku finansa públiko pa un mihó atministrashon finansiero. Asin’ei Kolegio Ehekutivo ta spera pa mehorá e funshonamentu di e aparato públiko i profeshonalisá e servisio.
