Den fin di siman Fundacion Paraiso tabatin un actividad pa e grandi nan den e fundacion. Un grupo LGBT di Hais cu ta lidernan den accion. Ta trata di inmigrante nan cu ta biba na Aruba cu tin asilo y ta haci trabaonan comunitario na diferente fundacion pa asina aporta na e comunidad general di Aruba.
Di e manera aki nan ta colabora y duna bek na comunidad na Aruba y cu nan ta demostra cu nan tin Aruba na pecho y cu nan kier inmigra aki na Aruba conociendo e cultura pero tambe aporta na esaki. Den un ambiente ameno e grupo a prepara un dia festivo pa e grandi nan cu ta keda den Fundacion Paraiso unda cu a trece musica, snack , bolo y hasta a decora e luga den un ambiente di celebracion pa asina trece un ambiente pa e grandi nan cu ta keda den e fundacion.
Tambe riba e mes un dia tabatin dos di e grandi nan cu ta Juan cu a cumpli 84 aña y Dora cu a cumpli 95 aña. Esaki tabata un celebracion cu cada un di nan a keda contento y a celebra dia di nos grandinan y mas cumpleaños di dos anciano cu tabata den e fundacion.
