Un delegacion di Saba a sali pa Hulanda unda cu nan lo reuni y dialoga cu diferente minister. E delegacion tin un lista di puntonan importante pa Saba cu nan lo bay dialoga cu Hulanda. Entre otro lo ta bay ta riba e topico riba waf di Saba, infrastructura, asuntonan economico, plan di director di turismo, evaluacion di impacto economico, energia, situacion di awa y coriente, enseyansa, edificionan pa scol,naturalesa y agricultura, iniciativa den deporte, programanan pa e mundo social, pobresa, costo di bida halto, costo halto pa haci negoshi na Saba, siguridad y tambe riba departamento di disaster na Saba.
Den e programa intensivo cu e delegacion lo partisipa na dje lo tin presente tambe hulandesnan di tweedekamer y tambe e president di comite permanente di Reino di Tweedekamer Marielle Paul. Un parti di e delegacion lo bishita Alkmaar pa un programa di intercambio cu e munisipio. E delegacion cu a keda nombra ta gobernadora di Saba Jonathan Jonson y comite Bruce Zager , secretario di Saba Tim Muller, Jefe di departamento di finansas Maureen Hassel y advisornan cu a bay hunto cu e delagacion ta Nicole Johnson y Zelda Meeuwsen