Ayera tabata un dia exitoso un biaha mas pa cuerpo policial. Despues cu dia prome di januari KPA a dal un bingo riba captura di personanan cu ta trece droga na Aruba y tambe na mes momento a gara un cantidad grandi di ilegalnan cu a drenta Aruba. Na e mes un momento team special tabata traha riba e caso di e turista cu a keda maltrata. Manera EA News a trece padilanti den un entrevista exclusivo cu Alto comisario Ramon Arnhem, nan tabata riba bon pista y dentro di poco lo haci detencion di e hobennan cu a haci e acto mahos aki cu e turista. Manera alto mando a duna di conoce cerca nos na EA News den 24 ora nan a tuma e accion aki y a detene tres hoben, despues cu ya caba tabatin un hoben deteni durante di nan investigacion. Sigur Aruba su cuerpo policial a sa di demostra y traha manera un team unda cu ta logra exito pa nan mes den e investigacionnan cu nan ta bin ta haciendo pa combati tur loke ta ilegal y inhusticia aki na Aruba. Awe mainta oficialmente Cuerpo policial lo duna un conferencia di prensa riba e accion aki.
Awe mainta oficialmente Cuerpo policial lo elabora riba caso y detencionnan di caso di turista cu a keda maltrata
