Despues ku sekretario di estado Alexandra van Huffelen a selebrá dia di abolishon di sklabitut, Emansipashon, na Sint Maarten, Saba i Sint Eustatius, el a sigui biaha pa Kòrsou.

Riba 2 di yüli Kòrsou ta selebrá Dia di Bandera i henter dia tin aktividat festivo. Na Banda Bou, e parti wèst di e isla, el a asistí na presentashonnan, el a partisipá na hisamentu di e bandera di Kòrsou i el a bishitá e Kopa Bandera, un wega di futbòl na Barber.

Dentro di e eksposishon ‘Sorry’ el a kuminsá un kombersashon ku abitantenan na Brionplein tokante e nifikashon di e diskulpa rondó di e pasado di sklabitut.

Ademas e sekretario di estado a ofresé dos pintura na Archivo Nadhonal Korsou. E pinturanan aki ta ilustrá e reunion riba 19 di desèmber 2022 na Kòrsou. Ta opsekiá e pinturanan aki komo un kontribushon na konsientisashon di e pasado di sklabitut i komo un memoria nashonal.

Banda di e reunionnan ku diferente persona di gobièrnu, e lo bishitá Floating Wind Park. E “floating” offshore wind park aki riba término lo generá energia duradero ku lo bira hidrógeno bèrdè.