Algun miembro di Konseho Insular huntu ku e departamento di administrashon di
grefi, a bishitá e departamento di Pòst i Archivo di entidat públiko Boneiru. Riba invitashon di Geert
Stroom, hefe di Post i Archivo, e konsehalnan i trahadó di atministrashon a haña un bista di e
retonan den e trabou di archivá. Pòst i Archivo ta digitalisando tur dokumento awor. Ta trata un
trabou enorme ku nan ta hasi diariamente. Den esaki nan ta haña sosten di departamento di R&O
ku ta konsehá nan kua dokumento Pòst i Archivo por deshasí di nan. A enkargá kompania Karmac
di Hulanda pa yuda den e proseso di digitalisashon. Na fin di e bishita, e delegashon a konkluí ku e
archivo ta muchu mas amplio na dokumentashon ku nan por a imaginá nan mes. E bishitantenan a
keda masha impreshoná di mira kon e departamento ta traha i e retonan di digitalisashon ku nan ta
atendé kuné.
